Klondaik (en ) é un filme ucraíno de 2022 escrito, dirixido e editado por Maryna Er Gorbach. Está protagonizado por Oxana Cherkashyna como muller embarazada que vive preto da fronteira entre Ucraína e Rusia durante a guerra ruso-ucraína e o derrubo do voo 17 de Malaysia Airlines. Klondaik estreouse no Festival de Cinema de Sundance o 21 de xaneiro de 2022, onde gañou o premio "World Cinema Dramatic Competition" á mellor dirección. No Festival Internacional de Cinema de Berlín, quedou no segundo posto na categoría Panorama Audience. Este filme foi escollido como candidato de Ucraína para o Óscar ó mellor filme internacional na 95ª edición dos premios, mais finalmente non foi nomeado.
Sinopse Unha familia ucraína está atrapada no centro do derrubamento do MH17. A acción ten lugar o 17 de xullo de 2014 na vila de Grabove, na rexión de Donetsk, preto da fronteira rusa. Os protagonistas, Irina e Anatoly están esperando o seu primeiro fillo, mentres a guerra ocupa brutalmente as súas vidas xunto cos restos do Boeing derrubado. A muller négase a evacuar, mesmo cando a aldea é ocupada por grupos armados.
Personaxes Oksana Cherkashina como Irka Serhiy Shadrin como Tolik Oleg Shcherbina como Yurik, irmán máis novo de Irka
Notas
Véxase tamén Outros artigos Filmes de Ucraína propostos ó Óscar ó mellor filme internacional Filmes propostos ó mellor filme internacional na 95ª edición dos Óscar
Categoría:Filmes de 2022 Categoría:Filmes en lingua ucraína Categoría:Filmes en lingua rusa Categoría:Filmes en lingua chechena Categoría:Filmes en lingua neerlandesa Categoría:Filmes de Ucraína Categoría:Filmes de Turquía Categoría:Filmes ambientados en 2014 Categoría:Filmes ambientados en Ucraína Categoría:Filmes rodados en Ucraína Categoría:Filmes de guerra Categoría:Filmes sobre o embarazo Categoría:Filmes sobre exércitos