Isabel Pardo de Vera Posada, nada en Lugo en 1975, é unha enxeñeira de camiños, canais e portos galega.
Traxectoria Isabel Pardo de Vera é filla de Gerardo Pardo de Vera e irmá da xornalista Ana Pardo de Vera. Estudou enxeñería na Escola Técnica Superior de Enxeñeiros de Camiños, Canais e Portos da Universidade da Coruña.
Posteriormente, traballou como delegada de Noroeste de Sondeos, Estructuras y Geotecnia S.A. e foi directora de obras en INECO-TIFSA. En 2007 entrou en ADIF a través da Oferta de Emprego Público onde desempeñou diversos cargos. En 2015 solicitou unha excedencia en ADIF e foi directora de Mobilidade e Infraestruturas da Deputación de Pontevedra.
No ano 2016 reincorporouse a ADIF e desempeñou os cargos de Directora Xeral de Explotación e Construción de ADIF e Directora Xeral de ADIF Alta Velocidade. O 29 de xuño de 2018 foi nomeada presidenta de ADIF, sendo a primeira muller en ocupar dito cargo. En xullo de 2021 foi nomeada Secretaria de Estado de Transportes.Isabel Pardo de Vera será la nueva secretaria de Estado de Transportes Deixou o cargo en 2023. En 2025 comezou a traballar para a construtora Grupo ACS. Recoñecementos En 2017 recibiu unha das medallas ao mérito do Colexio de Enxeñeiros de Camiños, Canais e Portos de Galicia. En 2019 foi galardoada cunha das medallas ao mérito profesional do Colegio de Ingenieros de Caminos, Canales y Puertos.
Notas
Categoría:Enxeñeiros de Galicia Categoría:Nados en 1975 Categoría:Nados en Lugo Categoría:Alumnos da Universidade da Coruña