William Adam, nado o 27 de xaneiro de 1909 na Haia, e finado o 3 de novembro de 1988 en Bruxelas, foi un zoólogo belga-neerlandés, especialista en malacoloxía, en particular no estudo dos cefalópodos.van Goethem, J. L. (1989): "In memoriam: William Adam, 1909–1988". Basteria 53 (1–3): 25–27.
Traxectoria Foi fillo do mariño mercante William Adam e da súa esposa Constance Jeannette Barkhuijsen. Despois dos seus estudoa primarios e secundarios na Haia, visitou Xava entre 1926 e 1927. Ao su regreso estudou Bioloxía na Universidade de Utrecht, obtendo o seu doutoramento en 1933, cunha tese sobre as glándulas dos moluscos terrestres. Posteriormente ingresou no Museo de Ciencias Naturais de Bruxelas, onde foi ascendendo laboralmente. En 1952 adquiriu a cidadanía belga.Brongersma, L. D. (1988): "William Adam". En: Levensberichten en herdenkingen. Koninklijke Nederlandse Akademie van Wetenschappen. pp. 115-116.
Adam describió numerosas novas especies de xibas e outros sepiólidos, entre outras Euprymna hoylei, Sepia cottoni, Sepia dollfusi, Sepia dubia, Sepia reesi, Sepia sewelli, Sepia thurstoni, Sepia vercoi e Sepiola knudseni.
Tamén describiu outras especies de cefalópodos, como Alloteuthis subulata, da familia dos lolixínidos (luras).Adam, W. (1950): "Notes sur les Céphalopodes. XXII. Deux nouvelles espèces de la côte africaine occidentale". Bulletin du Institut royal des Sciences naturelles de Belgique 26 (45): 1–9.
Honores En 1957 foi nomeado académico correspondente da Real Academia de Artes e Ciencias dos Países Baixos.
Abreviatura A abreviatuta Adam emprégase pare recoñecer a William Adam como autoridade na descrición e taxonomía en zooloxía.
Notas
Categoría:Nados en 1909 Categoría:Nados na Haia Categoría:Finados en 1988 Categoría:Científicos dos Países Baixos Categoría:Científicos de Bélxica Categoría:Zoólogos de Bélxica Categoría:Zoólogos dos Países Baixos Categoría:Malacólogos de Bélxica Categoría:Malacólogos dos Países Baixos