Isabel Cuadrado ye una grabadora, escultora, pintora y profesora española.
Trayeutoria Cuadrado entamó los sos estudios d'Arte na Universidad de Bilbao y llicencióse en Belles Artes pola Universidá Complutense de Madrid. Ente 1998 y 2006 foi escoyida en delles ocasiones como artista residente nel Frans Masereel Centrum (Bélxica), y en 2004-2005 llogró la beca MAE-AECI del Ministeriu d'Asuntos Esteriores na Real Academia d'España en Roma en 2004.
Dende 1999 participa en feries internacionales d'arte contemporanéu como ARCU, ESTAMPA, ArteSantander, Valencia-Art y #Arte Lisboa, según na Bienal del Grabáu Llatinoamericanu de San Juan de Puertu Ricu en 2001 y n'iniciatives como la Feria #Arte Uviéu de 2015, qu'axuntó a más d'un centenar d'artistes asturianos.
La so proyeición internacional afitase en 2009 cola so participación como artista convidada nel V Alcuentru de Belgrado, celebráu nel Centru Gráfica ya Investigaciones Visuales de la Facultá de Belles Artes de dicha ciudá. Coles mesmes, foi artista convidada y residente en diversos centros de creación, construyendo una trayeutoria destacada nel ámbitu del arte gráfico contemporáneu .
La so obra forma parte de coleiciones públiques y privaes como la Biblioteca Nacional d'España, el Centru Gallego d'Arte Contemporáneu (CGAC), el Muséu de Belles Artes d'Asturies, el Muséu del Grabáu Español Contemporáneu, el Ministeriu d'Asuntos Esteriores, la Fundación Unicaja y la Fundación Príncipe d'Asturies, ente otres.
Ye profesora de la Escuela d'Arte d'Uviéu.
Obra La so obra centrase na investigación de la llínea, l'espaciu y la representación, con un llinguaxe davezu monocromático y una especial atención a la relación ente vacio, forma y lluz. Nel ámbitu del grabáu, combina técniques tradicionales con plantegamientos contemporáneos, amestando elementos d'esperimentación espacial y conceptual.
Ente les sos esposiciones más relevantes destaca Mudanza (2008), presentada nel Muséu del Grabáu Español Contemporáneu de Marbella, onde presenta series como Dote, Llectures escoyíes y Verbos transitivos. En 2010 presentó Tempus fugit nel Palau Antiguitats de Barcelona, centrada na relación ente imaxe y tiempu. Esi mesmu añu, en ¿Qué mires? (IES Bernaldo Quirós, Mieres), afonda na relación ente obra, espaciu y en quien observa al traviés de pieces como Dibuxos nel aire, onde'l dibuxu despliegase nel espaciu.
Darréu en Traces (2015), nel Centru Cultural Antiguu Institutu de Xixón, amosó trabayos basaos en figures d'oxetos y estructures llineales. En XYZ (2021), na Galería Arancha Osoro d'Uviéu, presentó composiciones de calter xeométricu venceyaes al dibuxu técnicu. Más apocayá, en Manual de Vuelu (2024), nel Centru de les Artes y la Central Artística de Bueño, espunxo una selección d'obres recién en continuidá coles sos llínees de trabayu habituales.
Reconocencies Cuadrado foi reconocida dende los sos entamos con dellos premios y distinciones. Nel 1994 algamó'l Primer Premiu del VI Premiu de Pintura de la Diputación de Cáceres y al que siguió'l Premiu de Cajastur del XXX Certame Nacional d'Arte de L.luarca en 1999. En 2002 foi galardonada col Primer Premiu del XV Certame de Pintura Nicanor Piñole, y en 2024 recibió la Mención d'Honor del Premiu Nacional de Litografía Ciudá de Xixón.
Nel 2005 algamó ún de les sos reconocencies más destacaes col XIII Premiu Nacional de Grabáu María de Salamanca, añu nel que tamién tuvo llugar l'alquisición d'obra nel X Certame Unicaja d'Artes Plástiques.
Referencies
Categoría:Pintores d'Asturies Categoría:Persones nacíes en 1965 Categoría:Muyeres Categoría:Grabadores d'Asturies Categoría:Artistes d'Asturies