Gedar ("berru" o "clamor" n'euskera) ye un periódicu creáu pol Euskal Herriko Kontseilu Sozialista. Gedar ye un periódicu d'espardimientu políticu. Concretamente, espubliza'l puntu de vista del Movimientu Socialista y foi creáu coles mires de ser una ferramienta política pa la clas trabayadora. Publica tola información en formatu dixital. Sicasí, la revista mensual impresa Arteka publícase para suscriptores.

Nun se llinda a informar y según los sos ceadores, aspira a sirvir a l'articulación de polítiques empobinaes a la emancipación de la clas trabayadora. Amás de cubrir l'actualidá, el periódicu dixital nun se llinda a afondar nos acontecimientos de recién, sinón que busca revelar la conexón ente los socesos asocedíos y la clas trabayadora. Tamién enceta la violencia estructural, el movimientu obreru , la "ofensiva capitalista" y el procesu o el movimientu socialista vascu .

Hestoria La so trayectoria entama en xineru de 2019. Esi añu, en tol País Vascu español y el País Vascu francés el movimientu socialista entamó a crecer ente los mozos de la redolada de la esquierda abertzale. Surdieron grupos centraos en distintes problemátiques que primíen a la clas trabayadora, como GKS (Coordinadora Xuvenil Socialista), Itaia (Organización de Muyeres Socialistes), Erraki (Rede de Protección de Zones Autogestionadas), Ikas (Rede de Autodefensa Estudiantil) y el Kontseilu Sozialista.

Conteníu Gedar estructura la información nestes secciones:

Aktualitatea (actualidá): Noticies d'actualidá d'Euskal Herria. Amás, publica informes, entevistes, cróniques y comunicaos de prensa, siempre centraos nel movimientu obreru, la ofensiva capitalista y el movimientu socialista . Ikuspuntua (puntu de vista): Análisis políticu de distintos miembros. Los miembros notables inclúin a Garazi Navarro, Martín Ziarrusta, Paul Beitia y Saioa Galarraga. Langile Zientzia (Ciencia obrera): Trata d'artículos sobro temes polítiques que riquen investigación teórica comunista. Les temes que toma inclúin: El capital, la división del trabayu, la tecnoloxía, la maquinaria , el Partíu Comunista, la moral, el parlamentarismu, la democracia burguesa, la conciencia, les táctiques, la clas media, les crisis capitalistes, la proletarización, el control obreru y el poder obrero, ente otros. Toes estes temes s'estreman en distintes sesiones. Editoriala (editorial): Publicase un editorial una vegada per selmana . Kointura politikoa (situación política): 9 miembros escriben sobro acontecimientos actuales o temes importantes. Nadia Pérez, Aitor Martínez, Beñat Aldalur, Dani Askunze, Imanol Kañamares, Kolitza, Manex Gurrutxaga, Markel Samaniego y Sabin Aranburu. Axenda: Teniendo en cuenta l'axenda del Movimientu Socialista , publicamse noticies sobro les conferencies, xuntes, movilizaciones ya iniciatives de los distintos grupos mentaos enantes. Indíquense l'allugamientu, el llugar, la hora y la descripción d'estes iniciatives.

Pa los suscriptores, dende payares de 2019 publícase la revista mensual Arteka en formatu impresu. Nella publiquen l'editorial, el reportaxe, la sección d'actualidá, l'artículu d'opinión y la galería de semeyes del mes, ente otres cuestiones.

Gedar Telebista Amás del sitio web, Gedar TB creose n'ochobre de 2021 al traviés de la plataforma YouTube. Nella, llanzaron dos programes distintos: Burdin Hesia y Oh gu hemen!. Anguaño, en 2026 hai otros programes como Belarrijana y Sarkin.

Burdin Hesia L'analís de la situación cotidiana llevase a cabu de manera crítica, coles mires de confrontar les perspectives capitalistes. Les temes d'actualidá s'encetam por aciu d'un alderique. Dirixíu por un presentador, los participantes alderiquen eventos y temes específiques alredor d'una mesa. En estes sesiones, dellos participantes intervienen por turnos. Amás, cada sesión entama con una repasada de noticies relevantes; d'esta forma, estos eventos específicos preparen el terrén pal tema principal de cada episodiu. Un nuevu episodiu de Burdin Hesi se publica cada quince díes, concretamente los domingos a les 20:30 h.

Oh, gu hemen! Son una serie de programes producíos pola Organización de Muyeres Socialistes Itaia. Nellos encétense diverses temes que carautericen la opresión de les muyeres trabayadores. Nesti programa, una presentadora modera una conversación con dos participantes sentaes alredor d'una mesa.

Llínea editorial Gedar pertenez al movimientu socialista. Poro, en términos ideolóxicos, aspira al socialismu. Nun enceta la realidá dende una aparente imparcialidá y neutralidá. Nun proclama la verdá en nome de la oxetividá. D'otra manera, proclama la verdá de la clas primida .

Modelu de negociu L'accesu y la consulta de tola información de la edición dixital de Gedar son totalmente gratuitos, sacante la revista Arteka.

Referencies

Enllaces esternos

Categoría:Medios de comunicación d'España Categoría:Movimientu Socialista