Dinomys branickii é unha especie de roedor histricomorfo da familia Dinomyidae, orixinaria de Suramérica. O seu aspecto lembra ó de Cuniculus paca, aínda que máis robusto, coa cabeza máis grande e un rabo máis longo. É o único membro vivo da familia Dinomyidae.
Características Rolda entre os 10 e os 18 kg, e mide 73 a 90 cm de lonxitude, sen a cola, a cal mide entre 15 e 20 cm. O pelo é de cor castaña escura a negra e canosa, con dúas bandas de manchas brancas que cruzan as costas lonxitudinalmente. As patas son anchas e en cada unha teñen catro dedos con unllas longas e fortes. As orellas son curtas e redondeadas; o beizo superior presenta unha incisión e as vibrisas son longas.
Distribución Atópase en bosques tropicais de América do Sur nos países de Colombia, o Perú, Ecuador, Bolivia, o oeste do Brasil e nos contrafortes dos Andes de Venezuela. Tamén se atopa en vales boscosos e ladeiras de montañas a altitudes de 250 - 3200 msnm.
Notas
Véxase tamén Bibliografía Boitani, Luigi E Stefania Bartoli (1982) Guía de Mamíferos: 211. Barcelona: Editorial Grijalbo, 1985. ISBN 84-253-1659-6 Convenio Andrés Bello Dinomys branickii
Categoría:Animais descritos en 1873 Categoría:Mamíferos de Bolivia Categoría:Mamíferos do Brasil Categoría:Mamíferos de Colombia Categoría:Mamíferos de Ecuador Categoría:Mamíferos do Perú Categoría:Mamíferos de Venezuela