Erving Goffman, nado en Mannville (Alberta) o 11 de xuño de 1922 e finado en Filadelfia o 19 de novembro de 1982, foi un sociólogo, psicólogo social e escritor canadense, considerado por algúns "o sociólogo estadounidense máis influente do século XX".Fine and Manning (2003), páx. 34. En 2007 foi listado por The Times Higher Education Guide como o sexto autor máis citado en humanidades e ciencias sociais despois de Anthony Giddens, Pierre Bourdieu e Michel Foucault e por diante de Jürgen Habermas.
Goffman foi o 73.º presidente da American Sociological Association. A súa contribución máis coñecida á teoría social foi o estudo da interacción simbólica. Esta tomou a forma de análise dramatúrxica, comezando co seu libro de 1956 The Presentation of Self in Everyday Life. Outras obras de Goffman inclúen Asylums (1961), Stigma (1963), Interaction Ritual (1967), Frame Analysis (1974) e Forms of Talk (1981). As súas principais áreas de estudo abranguen a socioloxía da vida cotiá, a interacción social, a construción social dun mesmo, a organización social (encuadramento da experiencia, e elementos particulares da vida social como a institución social e os estigmas.
Traxectoria Goffman naceu en 1922 en Mannville, Alberta, Canadá, fillo de Max Goffman e Anne Goffman (de solteira Averbach).Fine and Manning (2003), páx. 35. Era dunha familia de xudeus ucraínos que emigraran ao Canadá co cambio do século. Tiña unha irmá máis vella, Frances Bay, actriz. A familia mudouse a Dauphin, Manitoba, onde o seu pai mantivo un negocio de xastrería de éxito.Burns (2002), p.9.
Dende 1937 Goffman asistiu ao St. John's Technical High School de Winnipeg, onde se mudara a súa familia este ano. En 1939 entrou na Universidade de Manitoba para estudar química. Interrompeu os seus estudos e mudouse a Ottawa para traballar na industria do cinema para o National Film Board of Canada, fundado por John Grierson. Posteriormente desenvolveu un interese en socioloxía. Tamén durante este tempo coñeceu o célebre sociólogo estadounidense Dennis Wrong. O encontro motivou a Goffman a deixar a Universidade de Manitoba e entrar na Universidade de Toronto, onde estudou con C. W. M. Hart e Ray Birdwhistell, graduándose en 1945 cun BA en socioloxía e antropoloxía. Posteriormente pasou á Universidade de Chicago, onde recibiu un MA (1949) e un doutoramento (1953) en socioloxía.Fine and Manning (2003), páx. 36. Para a súa disertación de doutoramento, dende decembro de 1949 a maio de 1951 viviu e recolleu datos etnográficos na illa de Unst nas Illas Shetland.
En 1952 Goffman casou con Angelica Choate; en 1953, naceu o seu fillo Thomas. Angelica sufriu dunha enfermidade mental e suicidouse en 1964. Fóra da súa carreira académica, Goffman foi coñecido polo seu interese, e relativo éxito, no mercado de accións e nas apostas. Nun momento, seguindo as súas afeccións e os estudos etnográficos, converteuse en xerente nun casino de Las Vegas.
En 1981 casou coa sociolingüista Gillian Sankoff. O ano seguinte naceu a súa filla Alice, tamén socióloga. O 19 de novembro de 1982 Goffman faleceu en Filadelfia de cancro de estómago.Fine and Manning (2003), páx. 37.Trevino (2003), páx. 6.
Carreira As investigacións que Goffman fixo en Unst inspirárono a escribir a súa primeira grande obra, The Presentation of Self in Everyday Life (1956). Tras graduarse na Universidade de Chicago, en 1954–57 foi axudante do drector do National Institute for Mental Health en Bethesda, Maryland. As observacións nas que participou alí levárono a escribir ensaios sobre saúde mental e as institucións sociais que tomaron forman ao seu segundo libro, Asylums: Essays on the Social Situation of Mental Patients and Other Inmates (1961).
En 1958 Goffman entrou como membro do claustro do departamento de socioloxía da Universidade de California, Berkeley, primeiro como profesor visitante e a partir de 1962 como profesor a tempo completo. En 1968 mudouse á Universidade de Pensilvania, recibindo a cátedra Benjamin Franklin en Socioloxía e Antropoloxía, grazas en gran parte aos esforzos de Dell Hymes, antigo colega en Berkeley.Winkin, Y., & Leeds-Hurwitz, W. (2013). Erving Goffman: A critical introduction to media and communication theory. Nova York: Peter Lang. En 1969 entrou como membro da American Academy of Arts and Sciences e en 1970 cofundou a American Association for the Abolition of Involuntary Mental Hospitalization e coescribiu o seu Platform Statement. En 1971 publicou Relations in Public, en que ligaba moitas das súas ideas sobre a vida cotiá, vista dende unha perspectiva sociolóxica. Outra das súas grandes obras, Frame Analysis, apareceu en 1974. Recibiu unha Guggenheim Fellowship en 1977–78. En 1979, recibiu a Medalla Cooley-Mead for Distinguished Scholarship, da sección de psicoloxía social da American Sociological Association.Section on Social Psychology Award Recipients, American Sociological Association. Consultado o 14 de agosto de 2013. Foi elixido presidente a American Sociological Association, actuando como tal en 1981–82; porén, foi incapaz de desenvolver o traballo na presidencia en persoa debido á súa progresiva enfermidade.
Postumamente, en 1983, recibiu o premio Mead da Society for the Study of Symbolic Interaction.
Obras seleccionadas 1959: The Presentation of Self in Everyday Life. University of Edinburgh Social Sciences Research Centre. . Anchor Books edition 1961: Asylums: Essays on the Social Situation of Mental Patients and Other Inmates. Nova York, Doubleday. 1961: Encounters: Two Studies in the Sociology of Interaction – Fun in Games & Role Distance. Indianapolis, Bobbs-Merrill. 1963: Behavior in Public Places: Notes on the Social Organization of Gatherings. The Free Press. 1963: Stigma: Notes on the Management of Spoiled Identity. Prentice-Hall. 1967: Interaction Ritual: Essays on Face-to-Face Behavior. Anchor Books. 1969: Strategic Interaction. Filadelfia: University of Pennsylvania Press. 1969: Where the action is. Allen Lane. 1971: Relations in Public: Microstudies of the Public Order. Nova York: Basic Books. (includes discussion of "Tie Signs") 1974: Frame analysis: An essay on the organization of experience. Londres: Harper and Row. 1979: Gender Advertisements. Macmillan. 1981: Forms of Talk. Filadelfia: University of Pennsylvania Press.
Notas
Véxase tamén Bibliografía
Ligazóns externas Algazi, Gadi. "Erving Goffman: A Bibliography," Department of History, Tel Aviv University Brackwood, B. Diane. (1997). "Erving Goffman," Magill's Guide to 20th Century Authors. Pasadena, CA: Salem Press. Cavan, Sherri. (xullo de 2011). "When Erving Goffman Was a Boy." Erving Goffman Archive, University of Nevada, Las Vegas. Dear Habermas (weekly journal), "Articles on Goffman," California State University, Dominguez Hills. A listing of further reading and online resources. Delaney, Michael. "Erving Goffman: Professional and Personal Timeline," University of Nevada Las Vegas Teuber, Andreas. "Erving Goffman Biography," Brandeis University On Cooling the Mark Out: Some Aspects of Adaptation to Failure (1952), Erving Goffman
Categoría:Nados en Alberta Categoría:Nados en 1922 Categoría:Finados en 1982 Categoría:Psicólogos do Canadá Categoría:Sociólogos do Canadá Categoría:Ensaístas Categoría:Escritores en lingua inglesa Categoría:Alumnos da Universidade de Chicago Categoría:Profesores da Universidade de California, Berkeley