O AMPA (ácido α-amino-3-hidroxi-5-metil-4-isoxazolpropiónico) é un composto químico que é un agonista específico do receptor de AMPA, onde imita os efectos do neurotransmisor glutamato.
Hai varios tipos de canles iónicas glutamatérxicas no sistema nervioso central entre os que están as canles para o AMPA, ácido kaínico e ácido N-metil-D-aspártico (NMDA). Na sinapse, estes receptores serven para propósitos moi diferentes. O AMPA pode utilizarse experimentalmente para distinguir a actividade dun receptor da doutro para así comprender as súas diferentes funcións. O AMPA xera potenciais postsinápticos excitativos rápidos. O AMPA activa os receptores de AMPA que non son canles catiónicas selectivas, o que permite o paso de Na+ e K+ e, por tanto, teñen un potencial de equilibrio preto de 0 mV.
Notas
Categoría:Aminoácidos Categoría:Isoxazois