Pedro Manuel Colón de Portugal, nado en Madrid o 25 de decembro de 1651 e finado na mesma cidade o 9 de setembro de 1710, foi un nobre e home de estado español que desempeñou diversos postos de responsabilidade durante os reinados de Carlos II e Filipe V.
Traxectoria Foi fillo primoxénito de Pedro Nuño Colón de Portugal y Castro, que morreu sendo vicerrei de Nova España, e de Isabel de la Cueva, filla do duque de Alburquerque Francisco III Fernández da Cueva, que foi vicerrei de Cataluña e de Sicilia. Á morte do seu pai, ocorrida en 1673, herdou os títulos de Grande de España, Almirante de Indias, duque de Veragua e da Veiga, marqués de Villamizar e de Xamaica, aínda que non gozou o señorío deste último por ser tomada a illa polos ingleses en 1656. En 1675 recibiu a orde do Vélaro de Ouro.Julián de Pinedo y Salazar: Historia de la insigne Orden del Toyson de Oro (1787), vol. I, págs. 412-414..
Serviu como mestre de campo nos terzos de Flandres e posteriormente como xeneral da cabalería do Milanesado. Entre 1677-79 foi Capitán Xeneral de Galicia, entre 1679-80 vicerrei de Valencia; de alí pasou a capitán xeneral das galeras de España, e de 1696 a 1701 desempeñou o vicerreinado de Sicilia.Giovanni Evangelista di Blasi: Storia cronologica dei vicerè, luogotenenti, e presidenti del regno di Sicilia (1842), págs. 434-444.
En 1699 foi nomeado membro do Consello de Estado de Carlos II, e xa de regreso en España presidente do Consello de Órdenes en 1703,Francisco Xavier de Garma y Durán: Theatro universal de España: descripcion eclesiastica y secular de todos sus reynos y provincias, vol. IV, págs. 128 y 399. cuxo cargo obrigoulle a renunciar ao Vélaro de Ouro para recibir o hábito da Orde de Santiago. Máis tarde foi presidente do Consello de Italia.José Antonio Álvarez Baena: Hijos de Madrid (1791), vol. IV, págs. 239-241.
Notas
Categoría:Nados en Madrid Categoría:Nados en 1651 Categoría:Finados en 1710 Categoría:Capitáns Xenerais de Galicia Categoría:Nobres de España Categoría:Cabaleiros da Orde de Santiago