El chimichurri, conocíu n'inglés como chimichurri burger, ye una hamburguesa o bocadiellu de carne característicu de la cocina dominicana. Nun tien que confundise cola salsa chimichurri propia principalmente d'Argentina y Uruguái.
Prepárase normalmente con carne picada de vaca, gochu o una combinación de carnes, cocinada sobre una plancha y sirvida en pan de agua. Acompáñase tradicionalmente de col, tomate y una salsa rosada preparada con ingredientes como mayonesa y kétchup.
Ye especialmente habitual como comida de cai na República Dominicana, onde los puestos que venden la preparación reciben frecuentemente'l nome de chimi trucks o chimichurreros.
La emigración dominicana favoreció tamién la difusión del platu en ciudaes de los Estaos Xuníos con comunidades dominicanes importantes.
Ver tamién Cocina dominicana Hamburguesa Comida de cai
Referencies
Enllaces esternos
Categoría:Hamburgueses Categoría:Cocina dominicana Categoría:Comida de cai