Pastoris ye una película española dirixida por Pablo Moreno y filmada dafechu na palra, variante del asturllionés.
Argumentu La película ta allugada a principios del sieglu XIX, na dómina posterior a la francesada (guerra de la independencia española). El protagonista ye Domingo, un pastor a quien la so comunidá y la so propia familia daben per muertu tres del conflictu bélicu. Al retornar al so llar nel sur de Salamanca, Domingo alcuéntrase con qu'el mundu que conocía camudó dafecho yá nun alcuentra llugar na sociedá que dexó detrás. Tresformáu nun estrañu y acoráu poles repulgos de la guerra y un fondu sentimientu de culpa, busca la miente de alcontrase consigo mesmu y reconstruyir la so vida.
La oportunidá de redención preséntase-y cuando acepta la xera encamentada pol cacique llocal de guiar una meñada d'oveyes al traviés d'un viaxe de treshumancia, dende les tierres salmantines hasta los pastos d'hibiernu n'Estremadura.
Nesti percorríu per paraxes naturales y tradiciones pastoriles de siempres, Domingo enfrenta los peligros del camín, y tamién los sos propios miedos y pantasmes de dientro. La travesía tornase asina nun viaxe de descubrimientu interior, memoria y reconciliación colos sos oríxenes, la so fe y el llegáu de la so tierra. La película tamién retrata la treshumancia, catalogada como un Bien d'Interés Cultural d'Estremadura.
Repartu
Sergio Cardoso como Domingo. Marian Arahuetes como Justa. Laura Contreras como Ricarda. Antonio Reyes como Señorito Juan. Assumpta Serna como Mesonera. Denis Rafter como l'home sordomudu.
Producción La película grabóse lo llargo de les cuatro estaciones del añu pa recoyer los distintos cambeos de color y lluz de les paraxes naturales poles que trescurre'l viaxe treshumante ente Salamanca y Estremadura. Ún del los aspeutos más llamativos del filme ye la so apuesta llingüística, al ser la primera película n'emplegar la palra d'El Rebollal, una variedá del asturllionés típica d'El Rebollar, anguaño en grave peligru de desaparición.
Referencies
Categoría:Películes de 2024 Categoría:Películes d'España Categoría:Películes n'asturianu Categoría:Cultura de Lleón