L'añu 2000 foi utilizáu con frecuencia como fecha futura na ciencia ficción, especialmente n'obres publicaes nos sieglos XIX y XX. La so posición simbólica como cambéu de mileniu convirtiólu nun escenariu habitual pa utopíes, distopíes, especulaciones tecnolóxiques, conflictos políticos y sociales, catástrofes y viaxes nel tiempu.

Ente les obres ambientaes total o parcialmente nel 2000 figuren les noveles Looking Backward (1888), d'Edward Bellamy, Anno Domini 2000, or Woman's Destiny (1889), de Julius Vogel, Golf in the Year 2000 (1892), de J. McCullough, y A Journey in Other Worlds (1894), de John Jacob Astor IV; la película Death Race 2000 (1975); el telefilme Knight Rider 2000 (1991); l'episodiu «11:59» (1999), de Star Trek: Voyager; y videoxuegos como Hybrid Heaven (1999), Crisis Zone (1999) y Eternal Darkness: Sanity's Requiem (2002).

Fechos

23 de mayu: en JLA: Act of God (2001), un fenómenu conocíu como la «Lluz Prieta» fai que tola tecnoloxía de la Tierra dexe de funcionar durante un instante y elimina permanentemente los poderes de los seres superhumanos. 10 de setiembre: en Looking Backward (1888), Julian West despierta en Boston dempués de permanecer 113 años nun sueñu hipnóticu y descubre unos Estaos Xuníos tresformaos nuna sociedá colectivista y económicamente igualitaria. N' Crisis Zone (1999), el complexu futurista Garland Square, construyíu nes proximidaes de Londres, ye ocupáu pola organización horrorista URDA. Una unidá especial intenta recuperar el complexu y evitar la destrucción d'un reactor nuclear esperimental. En Death Race 2000 (1975), los Estaos Xuníos tán controlaos por un réxime totalitariu que celebra la vigésima Carrera Trescontinental, una competición na que los pilotos reciben puntos adicionales por matar peatones. Una resistencia intenta utilizar la carrera pa derrocar al presidente. En Doomsday Plus Twelve (1984), doce años dempués d'una guerra nuclear mundial iniciada nel 1988, un grupu d'adolescentes d'Oregón intenta evitar que militares supervivientes utilicen armes nucleares contra Xapón. En Eternal Darkness: Sanity's Requiem (2002), Alexandra Roivas vuelve a la casa familiar de Rhode Island tres l'asesinatu del so güelu y descubre'l Tome of Eternal Darkness, que-y permite reconstruyir una llucha sobrenatural desarrollada a lo llargo de dos milenios. En Golf in the Year 2000 (1892), Alexander J. Gibson despierta tres permanecer dormíu dende'l 1892 y descubre los avances sociales y tecnolóxicos del nuevu mileniu, incluyendo importantes tresformaciones nel deporte del golf. En Hybrid Heaven (1999), nuna versión alternativa del 2000, seres estraterrestres escondíos baxo Nueva York intenten sustituyir al presidente de los Estaos Xuníos por un clon antes d'una cume de les Naciones Xuníes. En Knight Rider 2000 (1991), les armes de fueu fueron prohibíes y parte de los presos cumplen condena en suspensión criónica. Michael Knight vuelve a collaborar cola Fundación Knight tres una serie d'asesinatos y una conspiración venceyada a la policía. En México 2000 (1983), México convirtióse nuna sociedá utópica ensin probeza, desemplegu, contaminación, corrupción nin desigualdá, y nuna gran potencia cultural y económica mundial. En «Number 12 Looks Just Like You» (1964), de The Twilight Zone, la sociedá obliga a los mozos a sometese a una operación que tresforma'l so cuerpu nun númberu reducíu de modelos físicos consideraos perfectos. En Third World War (1988–1990), les grandes corporaciones exercen un enorme poder sobre'l mundu y utilizan mecanismos económicos, políticos y militares contra los países en desenvolvimientu. La historia foi concebida como una visión del futuru cercanu asitiada nel 2000. Nel xuegu de rol Twilight: 2000 (1984), los protagonistes son militares que sobreviven nuna Europa devastada pola Tercer Guerra Mundial y pol intercambiu nuclear ente les grandes potencies. Na novela A Journey in Other Worlds (1894), la humanidá desarrolló enerxía solar y eólica, trenes magnéticos, vehículos aéreos y viaxes espaciales. Una espedición abandona la Tierra na nave Callisto pa esplorar Xúpiter y Saturnu. Na novela Anno Domini 2000, or Woman's Destiny (1889), les muyeres ocupen los principales puestos políticos y profesionales del Imperiu Británicu nun futuru nel que la igualdá de xéneru avanzó considerablemente. Na novela Equality (1897), Edward Bellamy continúa la descripción de la sociedá del 2000 presentada en Looking Backward, utilizando'l mesmu añu y los mesmos personaxes. Na obra The Millennium: A Comedy of the Year 2000 (1907), d'Upton Sinclair, una esplosión destrúi prácticamente tola humanidá durante la inauguración d'un enorme edificiu en Central Park, dexando namás once supervivientes que tienen de reconstruyir la sociedá. Nel episodiu «11:59» (1999), de Star Trek: Voyager, la historia recuerda los últimos díes del 2000 na vida de Shannon O'Donnell, antepasada de Kathryn Janeway. La trama algama les 23:59 hores del 31 d'avientu.

Obres ambientaes nel 2000

Numberoses obres de ciencia ficción tienen l'añu 2000 como escenariu principal o parcial. La fecha foi especialmente utilizada antes del cambéu de mileniu como representación d'un futuru tecnolóxicu, utópicu o distópicu.

Lliteratura

Noveles

A Journey in Other Worlds: A Romance of the Future (1894), de John Jacob Astor IV. La novela presenta una Tierra tecnolóxicamente avanzada y una espedición espacial a Xúpiter y Saturnu. Anno Domini 2000, or Woman's Destiny (1889), de Julius Vogel, obra utópica na que les muyeres ocupen los principales cargos políticos y profesionales del Imperiu Británicu. Doomsday Plus Twelve (1984), de James D. Forman, novela posapocalíptica ambientada doce años dempués d'una guerra nuclear mundial. Equality (1897), d'Edward Bellamy, continuación de Looking Backward y ambientada na mesma sociedá del 2000. Golf in the Year 2000, or, What We Are Coming To (1892), de J. McCullough, novela de viaxe nel tiempu na que'l protagonista despierta 108 años nel futuru. Looking Backward: 2000–1887 (1888), d'Edward Bellamy, una de les principales utopíes de finales del sieglu XIX y una de les representaciones más influyentes del añu 2000 na ficción. The Millennium: A Comedy of the Year 2000 (1907), d'Upton Sinclair, sátira utópica y posapocalíptica na que once persones sobreviven al desaniciu del restu de la humanidá.

Relatos y antoloxíes

The Year 2000 (1970), antoloxía editada por Harry Harrison. Harrison encargó trece relatos orixinales cola condición de que toos tuvieren llugar nel añu 2000. La colección inclúi: «After the Accident», de Naomi Mitchison. «America the Beautiful», de Fritz Leiber. «American Dead», de Harry Harrison. «Black Is Beautiful», de Robert Silverberg. «Far from This Earth», de Chad Oliver. «Judas Fish», de Thomas N. Scortia. «Orgy of the Living and the Dying», de Brian W. Aldiss. «Prometheus Rebound», de Daniel F. Galouye. «Sea Change», d'A. Bertram Chandler. «Take It or Leave It», de David I. Masson. «The Lawgiver», de Keith Laumer. «To Be a Man», de J. J. Coupling. «Utopian», de Mack Reynolds.

Cine

Death Race 2000 (1975), de Paul Bartel, sátira distópica ambientada nunos Estaos Xuníos totalitarios. México 2000 (1983), de Rogelio A. González, comedia de ciencia ficción que presenta un México utópicu nel cambéu de mileniu.

Televisión

«11:59» (1999), episodiu de Star Trek: Voyager ambientáu en gran parte nos últimos díes del 2000. Knight Rider 2000 (1991), telefilme deriváu de Knight Rider, ambientáu nuna sociedá futura con armes prohibíes, condenes crióniques y nuevos sistemes policiales. «Number 12 Looks Just Like You» (1964), episodiu de The Twilight Zone ambientáu nun futuru identificáu aproximadamente col añu 2000.

Animación y anime

Astro Boy (1963–1966), adaptación televisiva del manga d'Osamu Tezuka. La serie presenta un mundu del añu 2000 nel que'l científicu Tenma crea un robot col aspectu del so fíu fallecíu, que posteriormente se convierte n'Astro Boy.

Cómic y manga

JLA: Act of God (2001), miniserie alternativa de DC Comics na que los superhéroes pierden los sos poderes tres un acontecimientu que tien llugar el 23 de mayu de 2000. Third World War (1988–1990), historia escrita principalmente por Pat Mills y publicada na revista británica Crisis, concebida como una representación política del mundu nel 2000. Assassin's Creed: The Fall (2010–2011), miniserie de cómic na que la historia marco protagonizada por Daniel Cross trescurre ente 1998 y 2000.

Videoxuegos

Crisis Zone (1999), videoxuegu de disparos de Namco ambientáu nel 2000, nel que una unidá especial intenta recuperar Garland Square d'una organización horrorista. Eternal Darkness: Sanity's Requiem (2002), videoxuegu d'horror y aventura cuya historia marco protagonizada por Alexandra Roivas trescurre nel 2000. Hybrid Heaven (1999), videoxuegu de ciencia ficción de Konami ambientáu nuna versión alternativa del 2000, con clonación humana y una conspiración estraterrestre.

Xuegos de rol

Twilight: 2000 (1984), xuegu de rol militar posapocalípticu ambientáu nel 2000 nuna Europa devastada pola Tercer Guerra Mundial.

Ver tamién

2000 Ciencia ficción nel 2000 1999 na ciencia ficción 2001 na ciencia ficción Ciencia ficción Futuru na ficción

Referencies

Categoría:2000 2000