Vida vaquera ye una película documental española de 2016 dirixida por Ramón Lluís Bande. La obra retrata la vida y les costumes de los vaqueiros d’alzada, una comunidá treshumante que pobló munches brañes d’Asturies, con un mou de vida que ta en camín de desapaecer.
Argumentu Vida vaquera ábrese con una serie de semeyes antigües. Vemos campesinos. Vaques. Praos. Too en blancu y negru. Ente cada una de les semeyes intercálase un pedazu d’un testu de Xovellanos de finales del sieglu XVIII, alredor de la vida de los vaqueiros. Esti arranque funciona a mou de prólogu d’una película que tien otros tres episodios: el trabayu de los vaqueiros col ganáu, no cimero les brañes; la baxada pel iviernu a los pueblos de la mariña, pa resguardase del fríu; y un epílogu onde una muyer cuenta cómo yera la vida de los vaqueiros enantes, cuando viaxaben con mules y ensin grandes pertenencies.«Vida vaquera - Cine - NUMAX». numax.org. Consultáu’l 13 de payares de 2025.
La película adiéntrase nes fondures de los montes d’Asturies pa documentar la esistencia y el mou de vida de los vaqueiros de alzada, un grupu humanu con una cultura y un sistema de sosistencia nómada y treshumante que, por causa de la evolución de los tiempos y los camudamientos sociales, ta sufriendo un procesu de desaniciu.«Vida vaquera». Laboral Cinemateca. Consultáu’l 13 de payares de 2025.
Producción El llargumetraxe prodúxolu De la Piedra Producciones y Vera Robert. El so desendolcu foi patrocináu por Laboral Cinemateca. La película surde del trabayu previu de Bande en L'alzada, una serie de televisión emitida pola Televisión del Principado de Asturias (TPA) en 2014, onde yá s’abordaba la temática de les comunidaes treshumantes asturianes.
Festivales La obra proyectóse en certámenes como la Semana del Audiovisual Contemporaneu d’Uviéu (SACO) y el D'A Film Festival (2017). Internacionalmente, seleccionóse pal Buenos Aires Festival Internacional de Cine Independiente (BAFICI) en 2017.
Recepción
Referencies
Enllaces esternos
Categoría:Cine asturianu