El cine, 5 ye una película documental española de 2023 dirixida y escrita por Elisa Cepedal. La obra ye un calón na memoria colectiva de Los Barreros, un pueblín mineru d’Asturies, contrastando’l so pasáu de resistencia y solidaridá col so paisaxe post-industrial d’anguaño. Ye tamién el pueblu onde nació la directora.
Argumentu Depués de zarrar el Pozu Carrio, símbolu del fin d’una industria que marcó’l calter d’un pueblu, Los Barrerros enfréntase a la despoblación y l’escaezu. A partir del archivu fotográficu de so güelu, Corsino García Alonso, fotógrafu y mineru, la cineasta criada en Los Barreros, Elisa Cepedal, retrata la vida nesi llugar asturianu ente finales de los años sesenta y principios de los setenta, un tiempu nel que los mineros teníen qu’aunise pa salir alantre.
El percorríu per dalgunes semeyes nes que se pue ver a xente del pueblu acompáñase coles voces de muyeres vieyes a les que nunca-yos veremos la cara pero que recuerden quién fueron les persones qu’apaecen retrataes. La voz en off esplica non solo la historia d’aquellos habitantes de Los Barreros del pasáu, tamién cómo yera entós la vida nes mines, les güelgues, la represión, la solidaridá y les lluches que constituyeron el día a día.«EL CINE, 5». 2024.
Premios y reconocimientos
Premiu Europa Film Festivals del Festival Internacional de Cine de Xixón 2023.«Laboral Cinemateca Ambulante Mieres: "El Cine, 5", de Elisa Cepedal». Ayuntamientu de Mieres. Consultáu’l 13 de payares de 2025. La revista A Cuarta Parede conseña la película nel llistáu de les meyores películes de 2023: El cine como artesanía, el montaxe como cuestionamientu de la imaxe.A Cuarta Parede (29 d’avientu de 2023). «Lo mejor de 2023 - A Cuarta Parede» (n’inglés). Consultáu’l 13 de payares de 2025.
Recepción
Referencies
Enllaces esternos
Elisa Cepedal explica El Cine, 5. Vídeo.
Categoría:Cine asturianu