Hilos ye una película documental española de 2022 dirixida por Tito Montero. La cinta, estrenada nel Festival Internacional de Cine de Xixón (FICX), abarca temes de memoria histórica, el despoblamientu rural y la intimidá familiar.
Argumentu El documental naz del primer títulu que'l so director Tito Montero-y dio al proyectu: Notas sobre el silencio, refiriéndose al silenciu institucional y familiar qu'arrodiaba al so güelu paternu, Felipe García Moro, muertu na batalla de Cimeru n'agostu de 1937, cuando la Guerra Civil Española.«Os cineastas asturianos Tito Montero e Ramón Lluís Bande... - NUMAX». ''numax.org''. 11 de febreru de 2023. Consultáu'l 24 d'ochobre de 2025.
El filme sigue dos "filos":
El de so padre, Roberto García, al que'l director-y plantega la entruga de si podría atopar el sitiu exactu onde morriere'l so padre (el güelu de Tito). Per aciu d'esta busca asoléyase'l desconocimientu que la propia familia tien sobre la figura del güelu, borráu pola historia. El de Carmen, que reflexona sobre'l despoblamientu de la zona rural.
Rodada nel primer branu de la pandemia de COVID-19, la película entellaza estes narratives de memoria y territoriu, amosando la intimidá de la familia del director. El propiu Montero calificóla como una película "ética y estéticamente minifundista".
Repartu La película cuenta cola participación de:
Roberto García González María del Carmen Rodríguez Felipe García González Pablo Martínez Corral Lita Prada Lito Montoto
Producción y estrenu Añu de producción: 2022 Empresa productora: De la Piedra Producciones, S.L.
Recepción El documental presentóse na sección Tierres en Trance del Festival Internacional de Cine de Xixón (FICX) en 2022.«'Hilos', único largometraje de un realizador asturiano a concurso en el FICX». 8 de payares de 2022.
Premios y reconocimientos Festival Internacional de Cine de Xixón (2022)«Hilos Catálogo ICAA». Película Añu Premiu Resultáu Hilos 2022 Premiu DAMA al Meyor Guión de película española (Competición Tierres en Trance) Ganadora Hilos 2022 Premiu del públicu a la distribución (Competición Tierres en Trance) Ganadora
Referencies
Enllaces esternos
Categoría:Cine asturianu