alt=|miniaturadeimagen|Ciudá de México de nueche , col cielu allumáu pola contaminación llumínica en 2005 alt=|miniaturadeimagen|Nos cielos ensín de contaminación llumínica pue vese la Vía Láctea.

La definición de la contaminación llumínica ye un asuntu bien aldericáu . Una de les definiciones establece que la introducción de lluz artificial produz una degradación de los ecosistemes o del estáu natural. Anguaño , la ONU considérala un subtipu de contaminación del aire . Sicasí , esiste tamién una definición operacional que llenda la degradación llumínica a aquelles emisiones llumíniques procedentes de fontes artificiales de lluz pela nueche con intensidaes, direiciones, duraciones o horarios innecesarios pa la realización d'actividaes na zona onde s'instalen eses fontes.

La principal diferencia ente eses definiciones ye que, na primera , práuticamente cualquier llume nocherniegu causaría contaminación llumínica ; ente que, na segunda, namái se consideren contaminantes les instalaciones qu'emiten lluz de manera inadecuada. Los efectos de la lluz artificial na naturaleza tán demostraos, independientemente de la eficiencia de los sistemes d' allumáu .

La razón principal del allumáu artificial ye apurrir la lluz abondo pa la realización ciertes xeres y pa xenerar una sensación de seguridá (si la lluz produz una seguridá real sigue siendo oxetu de discutiniu ). Sicasí , un allumáu esterior infeiciente y mal diseñáu, l'usu de proxectores y cañones láser, la falta de regulación nos horarios d'apagáu de llumes publicitaries, monumentales u ornamentales, etc., xeneren un problema cada vez más estendíu .

Como resultáu d'estos fenómenos, les ciudaes hanse desligáronse de la so redolada y, xunto cola contaminación atmosférica, xeneraron una especie de cáusula lluminosa que torga esfrutar de los cielos estrellaos, inclusive en condiciones climátiques favorables. Esta interferencia astronómica, que mengua y difimuna 'l rellumu de les estrelles o de cualesquier oxetu estelar afecta 'l trabayu d'observatorios y astrónomos, produzse mientres la nueche nes cercaníes de les grandes ciudaes. Por esti motivu , los observatorios astronómicos más importantes asítiense en rexones alloñaes de los núcleos urbanos.

La contaminación llumínica tien como manifestación más evidente l'aumentu del rellumu del cielu nocherniegu , debíu a la reflexón y al espardimientu de la lluz artificial nos gases y nes partícules del aire urbano (smog, contaminación, etc), de modu que se mengua de forma notable la visibilidá de les estrelles y d' otros oxetos celestes.