Arnáu ye un pobláu que pertenez la parroquia de Samartín de L'Aspra, nel conceyu asturianu de Castrillón. Ellí tan asitiaes les Escueles de l´Ave María inauguraes el 3 de xunetu de 1913 pola Real Compañía Asturiana de Mines (RCAM), empresa mui relevante nel pasáu industrial castrillonense y asturianu en xeneral. Esta ufiertó a los sos trabayadores servicios como vivendes, un economatu con productos básicos, un hospital, etc, col principal oxetivu de que desenvolvieren la so vida social alredor de la mina d’Arnáu.Arnao. (2025). Escuelas del AVE María de Arnáu. Web Inventa. Patrimonio Cultural. Escuelas del Ave María de Arnáu
Estes escueles siguíen un modelo de paternalismu y filantropía, cola intención de que tantu la preparación téunica como les actitúes, comportamientos o hixene de los asalariáivos mellorasen (Inventariu del Patrimoniu Cultural d’Asturies, 2025).
Amás, a esta escuela tamién allegaben los fíos de los direutivos de la mesma empresa y, anque se supón que s’intentaría xunir na educación a los fíos de direutivos y de trabayadores, nun consta de mou claru que estu llegara a producise. Igualmente, el fechu de que nun hubiera distinción ente los educandos ye daqué que nun plantegábase n´otros contestos educativos, por cuenta de que los altos cargos nun veíen con bonos güeyos que los sos fíos compartieren espacios y trabayos con aquellos de condición más humilde. Por ello, anque nun se pue saber con certidume lo que se facía na práctica, pue apreciase un pequeñu avance na llucha por desaniciar estes distinciones (García López, 2023).García López, M. E. (2023). Las Escuelas del Ave María de Arnao. Reflexiones didácticas. Revista UNES. Universidad, Escuela Y Sociedad, (16), 70–91. https://doi.org/10.30827/unes.i16.28609
Otru aspeutu relevante pa la dómina yera´l so gran tamañu o les sos moderna instalaciones, onde contaben, ente otres coses, con agua corriente y lluz eléctrica. D’esta manera, na so época foron valoraes como les meyor preparaes d’Asturies, lo que-yos estremaba coles escueles públiques, que nun contaben con munchos d’estos medios y que, naquel momentu, pasaron por diverses crisis, como falta de centros escolarios, mala hixene o escasa motivación de los docentes (Suárez Antuña, 2024).Suárez Antuña, F. (2024). Escuelas del Ave María - Patrimonio Industrial Asturias. Patrimonio Industrial Asturias. https://patrimoniuindustrial.com/fichas/escuelas-del-ave-maria/
Amás de les sos instalaciónes avanzaes, les escueles de l´Ave María d’Arnao contaben con gran cantidá de material pedagóxicu que foi escoyíu de mou cuidadosu y significativu. Siguíense los principios pedagóxicos d’Andrés Majón, dando llugar a una metodoloxía manjoniana basada nuna pedagoxía activa, intuitiva y natural.
Sicasí, estos principios, que tienen muncha semeyanza a los mesmos de la Escuela Nueva, nun son esclusivos de Majón sinón que nesa mesma dómina yá se taben poniendo en práctica n'otros llugares. Como se comentó, nestes escueles teníen enforma potencial pedagóxicu yá que, ente otres coses, teníen la biblioteca que tenía distintu material didáctico que sirvía pa complementar les enseñances y pa dexar emprestaos los llibros a les distintes families (García López, 2023). miniaturadeimagen Estes escueles creaes na primer década del sieglu XX presentaben una singularidá: mapes a relieve nel suelu. “Tolos mapes y les cuestiones didáctiques tienen el so porqué. Equí teníen enforma en cuenta la educación de los neños, y con esto queríen aprovechar los recreos por que los guah.es ver como un xuegu y, asina, qu'aprendieren de meyor manera”, asegura Noé Rodríguez, un vecinu de la zona (Menéndez, 2024).Menéndez, N. (2024). Arnao, el origen de la gran industria asturiana. La Nueva España. https://www.lne.es/aviles/2024/04/14/arnao-origen-gran-industria-asturiana-101034426.html
Estes escueles dexaríen d’estar en activu nel añu 1979 por cuenta de la reestructuración social y llaboral del pobláu amás de por pasar a depender del estáu (García López, 2023). Finalmente, en 2015 incluyéronse nel Inventariu del Patrimoniu Cultural del Principáu d’Asturies y, agora, quien cuida d´esti tesoru ye l´Asociación club Deportivu Peña Tiro Gomero de Castrillón, que usa parte de les instalaciónes mientres vigila que naide invada les escueles. Amás, recientemente, tán llevándose a cabu trabayos col oxetivu de preservar el so valor históricu y tolos elementos de gran importancia. (Suárez Antuña, 2024)