El Puente d’Arcu ye una construcción histórica que ta asitiada na localidá d’El Puente d’Arcu, nel conceyu de Llaviana, nel Principáu d’Asturies. Pertenez a la parroquia de Llorío y encuéntrase a unos 2,3 kilómetros de la capital del conceyu (La Pola Llaviana), a una altitú d’unos 210 metros sobre’l nivel del mar. Situación

El puente allúgase nuna zona rural del conceyu de Llaviana y forma parte del paisaxe tradicional de la cuenca del Nalón. La so bona llocalización facilitó munchos años el pasu del ríu Nalón y la comunicación ente diferentes puntos del conceyu y localidaes cercanes.

Descripción

El Puente d’Arcu ye un puente medieval que crucia’l ríu Nalón. Ta compuestu por dos arcos de mediu puntu desiguales, sosteníos por unos pilares a poca distancia ente ellos. Anque dalgunes investigaciones apunten que tien un orixe romanu, la estructura que se caltién anguaño ye del sieglu XII, posterior a la estancia de romanos na península.

Restauraciones

A lo llargo de los sieglos el puente tuvo a dixebraes restauraciones col oxetivu de caltener la comodidá y la conservación del patrimoniu. La más reciente foi nel añu 2023, con una inversión de más de 300.00 euros.

Funcionalidá histórica

Nel so contestu históricu, el puente d’arcu fue fundamental pa enllazar les principales rutes d’accesu a Llaviana, sobre too les que proceden de Tarna y Aller. Tamién, foi una de les infraestructures rellacionaes col pasu del ferrocarril mineru d’esa zona, ayudando al desarrollu económicu del conceyu de Llaviana.

Actualidá

Anguaño, el Puente d’Arcu ye más un llugar d’ociu y esfrute, frecuentáu por vecinos y visitantes que s’acerquen al par del ríu Nalón, que una construcción necesaria pa les comunicaciones. Tien tovía un valor importante nel Descensu Folclóricu del Nalón, fiesta tradicional na que les embarcaciones crucien per baxo del puente. Esti puente, xunto col Puente la Chalana, ye una parte fundamental del descensu pel ríu, una tradición arraigada a la cultura de la zona nel día’l Descensu Folklóricu.

Entornu

El puente ta asitiáu nel ríu Nalón, ún de los más importantes d’Asturies. Cerca’l puente, pue atopase la ermita de Santa Eugenia, anguaño ermita de La Magdalena, lo que pobla de cultura histórica y relixosa a la zona.

Referencies