El nome de los árboles ye una película de 2015 con guión y dirección de Ramón Lluís Bande. El documental busca’l rastru de militantes republicanos asturianos que s’escondieron nel monte y interpela a los testigos. Ye continuación d’Equí y n'otru tiempu (2014) y forma parte de la filmografía del Nuevu Cine Asturianu.El nome de los árboles (2015),
Sinopsis Ente los años 1937 y 1952 cientos de militantes republicanos asturianos escondiéronse nel monte con dos oxetivos: salvar la vida y siguir cola resistencia armada contra’l franquismu. A munchos d’ellos asesináronlos nesos mesmos llugares: viesques, cuadres, cueves, carreteres... Un equipu pequeñu de rodaxe recuerre Asturies buscando los llugares onde se fixeron les principales emboscaes contra la guerrilla. Nesi viaxe van topándose con munches persones que comparten con ellos los recuerdos que tienen d’aquel tiempu y d’aquellos fechos.El nome de los árboles, ver ahora en Filmin,
Si n’Equí y n'otru tiempu (2014) Bande retrataba’l rastru invisible (pero nidiu) de la historia de los fugaos (o maquis), aquella resistencia republicana atrincherada nos montes na posguerra y villanamente axusticiada, vuelve agora atrás los sos pasos cola urxencia de caltener viva una memoria oral con testigos a puntu d’esvanecese. Pelos pueblos y los montes siguimos asina la investigación apasionante d’una serie de crímenes enxamás esclariaos del too.
Más información Bande esplicó que’l tema interesó-y sobre manera de la que rodaba Estratexa (2003) y se decató de que la historia taba por contar, la de los muertos defendiendo la llegalidá republicana. «Los propios espacios me propunxeron contar la so historia y non contar la mía nellos» dixo sobre’l papel de los espacios, rodaos nel mesmu día del añu nel qu’asocedieron los asesinatos. La película obliga a tar un minutu en silenciu en cada espaciu... «yo creo que se xenera una especie de memorial na sala». Les entrevistes rodáronse pa preparar Equí y n'otru tiempu.«El cine que viene - El nome de los árboles/Equí y n'otru tiempu/Estratexa - 12/01/16». RTVE.es.
Nel documental tanto Bande como la productora Vera Robert nun s’abelluguen tres la cámara. Apaecen y participen na busca y acompañen a los vieyos testigos de les histories que tán contando. «Asumen una posición de cronistes, recopilando histories que, d’otra miente, perderíense » señala’l críticu de cine Miguel Martín Maestro.Miguel Martín Maestro (20 de enero de 2016). «El nome de los árboles (2015), de Ramón Lluís Bande». Culturamas.
Reacciones «N’El nome de los árboles, son les persones qu’agora viven nesos paisaxes les qu’espliquen les azaríes d’aquellos hombres, o meyor, lo qu’a elles-yos llegó d’esa historia. Realidá y mitu, historia y lleenda, entellácense asina nuna espiral desbocada, onde los rostros y les voces convoquen imáxenes enxamás vistes al empar del ecu d’aventures estraordinaries y el rellatu de la llucha pola llibertá. Un film conmovedoramente políticu.» D'A.«EL NOME DE LOS ÁRBOLES». D'A.
«Nun se trata d’una película de testimonios sinón más bien de xirones y pedazos que remiten siempre a aquel pasáu llaceriosu y a un presente que sigue siendo la consecuencia d’aquellos crímenes.» Carlos Losilla Caimán, Cuadernos de Cine.«El nome de los árboles - Cine - NUMAX». numax.org.
«Esta película funciona como les cares b de los vinilos d’antañu, como si se tratare del otru llau del espeyu d’Alicia. Pue vese aislladamente, como obra individual, pero algama meyor significáu y proyección si se pudo ver primero Equí y n’otru tiempu, porque les dos películes funcionen como les dos cares d’una fueya: lo qu’amuesa una, anúbrelo la otra; lo que nuna manda na otra súmese. Si n’Equí… el predominiu casi absolutu yera pa la imaxe, n’El nome de los árboles lo que funciona, percima de too, ye la pallabra, la oralidá.» Miguel Martín Maestro. Culturamas.
«Aunque El nome de los árboles puea paecer un making off, en realidá, escuende un actu de rodar de mou urxente, cuasi de necesidá, pola forma na que Bande procede a la realización, pola espontaneidá de los rellatos de los “entrevistaos”, pola llibertá de falar más allá de conseñes polítiques oficiales. Trátase de llegar y dexar que la pallabra s’esprese llibremente.» Israel Paredes. El Plural.Paredes, Israel (10 de enero de 2016). «"El nome de los árboles", relato oral y colectivo sobre los últimos maquis asturianos». El Plural.
Referencies
Categoría:Cine asturianu