César Frey Álvarez , también conocíu pol nomatu El Séptimo Crío ye un artista asturianu dedicáu al arte urbanu y escritor de graffiti con dellos murales por tola comunidá del Principáu d'Asturies.
Biografía César Frey Álvarez nació en Bruxeles (Bélxica), nuna familia d'asturianos. Dempués de diez años, múdase a Piedrasblancas (conceyu Castrillón) pa ún añu dempués allugase en Mieres.
Enantes d'elixir el nomatu El Séptimo Crío, tuvo otra firma d'artista y estremaes etapes artístiques. El primer nomatu qu'adoptó foi JACKO 1998 per diez años, una dómina na que nun tuvo munches obres artísticas y na que se centró nel mundu de la música y el baille, influyenciáu pola téunica del perconocíu Rey del Pop Michael Jackson.
A partir del añu 1997, entama una dómina muncho más centrada nel ámbitu de les artes plástiques, viviendo n'Alicante per un tiempu, deprendiendo estremaes téuniques xunto al grupu KST (Krasy Style Titan).
Nel añu 2000 asiéntase en Logroño, onde adopta'l so nomatu definitivu El Séptimo Crío y ruempe col so estilu artísticu por una última vegada. Un añu dempués, vuelve p'Asturies a dedicase a la pintura y el graffiti como forma d'espresar la so llucha escontra les desigualdaes sociales.
Anguaño, César Frey Álvarez collabora con munches asociaciones como galeríes d'arte, centros educativos y collaboraciones con centros comerciales. Por exemplu, fizo una collaboración con Parque Principáu pa introducir a los rapacinos al mundu del arte con materiales como los espráis de graffiti.
Obra y reconocimientos Munches de les obres d'El Séptimo Crío nun tán espublizaes en páxines web, sinon que s'amosen per cais de llocalidaes como Uviéu o Mieres del Camín.
Nos últimos años les obres d'esti artista tan enfotáes a la moral de los neños y neñes, señalando a la corrupción de les mentes de los adultos conxunto coles carauterístiques de la sociedá globalizada y la educación materialista.
En rellación a los sos reconocimientos, destaquen los siguientes:
Nel añu 2003, ganó'l primer premiu del Concursu Nacional de Graffiti Derrame Rock.
Fizo la primer obra con téuniques d'esprái n'entrar a una catedral. Nesti casu, nel arzobispáu de la catedral d'Uviéu. Nel añu 2008, treslladóse al Muséu de Belles Artes del Santuariu de Cuadonga.
Nel añu 2010, fizo'l mayor retratu en calidá hiperrealista de la historia, dedicáu a David Villa. Les sos dimensiones son de 44 metros por 5 metros.
Tamién nesti añu, fai'l so primer trabayu pa la multinacional Coca-Cola y tamién pal Gobiernu del Principáu d'Asturies.
Referencies
Enllaces esternos