L'Ascensor Bailong (; lliteralmente, «Ascensor del Cielu de los Cien Dragones») ye un ascensor de dos pisos de cristal construyíu nun cantil na zona de Wulingyuan, en Zhangjiajie, China. Esti llugar ye conocíu por más de 3.000 pilares de cuarcita y gres, munchos d’ellos de más de 200 metros d’altor.
Pa xubir a la parte cimera d’ún d’estos pilares y evitar una ascensión a pie de dos hores, l’ascensor cubre la so altura de en namás 1 minutu y 32 segundos tres una modernización en 2015.
Construcción La construcción empezó n'ochobre de 1999 y abrió al públicu en 2002. L’ascensor ta integráu na cara de cuarcita de la peña, con los 154 metros inferiores incrustaos dientro de la roca y los 172 metros superiores compuestos por una estructura d’aceru.
L'impautu medioambiental del ascensor foi oxetu de debate y controversia, puesto que l'área de Wulingyuan foi declarada Patrimoniu de la Humanidá en 2002. Les operaciones detuviéronse 10 meses ente 2002 y 2003, supuestamente por motivos de seguridá y non medioambientales, pola so llocalización nuna zona propensa a terremotos.
Récor Guinness Foi reconocíu pol Guinness World Records como l’ascensor esterior más altu del mundu’l 16 de xunetu de 2015 y tamién se diz que ye l’elevador de pasaxeros más rápidu con mayor capacidá de carga.
Ver tamién Llista d'edificios más altos del mundu
Referencies
Enllaces esternos
Categoría:Arquiteutura de China Categoría:Récores mundiales d'edificios y estructures