Zospeum percostulatum ye una especie de moluscu gasterópodu terrestre perteneciente a la familia Carychiidae. Foi descrita en 2018 por Álvaro Alonso, Carlos E. Prieto, Sergio Quiñonero-Salgado y Emilio Rolán, y ye la primer especie del xéneru Zospeum descrita n'Asturies.
Descripción Zospeum percostulatum ye un cascoxu troglobiu perpequeñu, con un altor máximu de malpenes 1,8 mm, magar que ye un tamañu relativamente grande dientro del so xéneru. La so cáscara ye delgada, blanca y tresparente, con una ornamentación carauterística de costielles perpequeñes que la dixebra del restu d'especies ibériques conocíes, Carez de güeyos funcionales y pigmentación, adaptación típica a la vida en mediu subterrañu.
Distribución y hábitat La especie foi descubierta na cueva del Bolao, nel conceyu de Llanes, y tamién n'otres cueves cercanes como La Collubina. Vive esclusivamente n'ambientes escuros y húmedos dientro de les cueves, sobre les paredes con humedá constante o baxo piedres nel suelu.
Descubrimientu El descubrimientu ye'l resultáu d'un estudiu sistemáticu de la fauna de moluscos soterraños n'Asturies, que revisó docenes de cueves ente 2016 y 2018. El trabayu foi realizáu por un equipu d'espeleólogos y malacólogos, destacando que les poblaciones de Z. percostulatum son más abondoses cerca de les entraes de les cueves, mientres que n'árees más fondes del mesmu sistema espeleolóxicu s'atoparon otros Zospeum inda ensin describir.
La descripción d'esta especie nueva amplía la conocencia sobre la biodiversidá soterraña asturiana y pon de manifiestu la necesidá de protexer los ecosistemes kársticos, qu'acueyen especies endémiques y altamente especializaes.
Referencies
Enllaces esternos
Zospeum percostulatum en Subterranean Biology
Categoría:Gastropoda Categoría:Fauna d'Asturies Categoría:Especies descrites en 2018 Categoría:Troglobios Categoría:Endemismos