tamién conocíu pol nome artísticu de NoB, foi un cantante xaponés, vocalista principal del grupu Make-Up y miembru de Project.R.
Carrera Como artista en solitario, grabó los temes d’apertura de les series GoGo Sentai Boukenger y Tensou Sentai Goseiger de la franquicia Super Sentai.
Col grupu Make-Up, Yamada grabó dellos cantares pa la serie d’animación Saint Seiya, incluyendo’l primer tema d’apertura, "Pegasus Fantasy", del que foi compositor y autor de la lletra, y el primer tema de zarru, "Blue Forever". Estes canciones publicáronse nos álbumes Saint Seiya Hits I, que tamién incluyó a Mitsuko Horie, y Saint Seiya '96 Song Collection. Tamién grabó’l cantar "Never" pa la película de Saint Seiya Heaven Chapter ~ Overture.
En 1998, Yamada formó P.A.F. col guitarrista de X Japan, Pata. Según Pata, tenía previsto trabayar como artista en solitario y pidió a Yamada que collaborara escribiendo lletres y grabando voces de prueba pa les maquetes. Mientres grababen y decidíen quién había cantar, el guitarrista decidió invitalu como miembru oficial. El dúu tomó’l so nome de les pastilles de guitarra P.A.F.. Publicaron dos álbunes d’estudiu, un miniálbum, un álbum en directu y dos senciellos.
En xunetu de 2007, Yamada actuó xunto a Hironobu Kageyama, Masaaki Endoh, Yoko Ishida, Kōji Wada y MoJo nel eventu Anime Friends, una convención d’anime en Brasil. Depués actuó n’otres cites d’Anime Friends y en eventos en ciudaes cercanes como Fortaleza y Brasilia.
En 2019, Yamada interpretó’l tema principal de la miniserie Super Sentai Strongest Battle. En 2020, collaboró col grupu Mary's Blood na versión de metal del tema "Pegasus Fantasy" pal álbum de versiones Re>Animator, interpretándolu a dúu cola vocalista principal Eye, a la que llevaba diez años aprendiendo como cantante.
Enfermedá y muerte El 25 de febreru de 2025, Yamada anunció que-y fuera diagnosticáu cáncer de reñón en 2018. Como consecuencia, canceló les actuaciones nel Festival Tarō Kobayashi (8 de marzu) y nel Saint Seiya 'Pegasus Fantasy' Grand Finale en Méxicu (del 29 al 30 de marzu).
Yamada finó na tarde del 9 d'agostu de 2025 a los 61 años.
Referencies
Enllaces esternos Web oficial Nobuo Yamada n'Anison Database NoB n'Anison Database
Categoría:Cantantes de heavy metal Categoría:Cantantes de rock Categoría:Cantantes de Xapón