La amiga de mi amiga ye una película española independiente de comedia romántica de 2022, dirixida y protagonizada por Zaida Carmona, quien tamién la coescribió xunto a Marc Ferrer. Xunto a Carmona, la película tamién ta protagonizada por Rocío Saiz, Alba Cros, Aroa Elbira y Thaïs Cuadreny. Proyectóse per primer vegada nel D'A Film Festival el 30 d'abril de 2022 y foi estrenada en cines españoles el 3 de febreru de 2023 so distribución de Begin Again Films.
Producción La película anuncióse per primer vegada en 2020, cuando la directora empecipió una campaña de micromecenalgu en Verkami, recaldando con ésitu 5.715 euros de 156 mecenes, sobro un oxetivu inicial de 2.500 euros. El rodaxe empezó en febreru de 2021 en Barcelona, con una duración d'once díes.
Llanzamientu y marketing El cartelu de la película foi creau pola diseñadora gráfica Malva Sawada. La amiga de mi amiga proyectóse per primer vegada nel D'A Film Festival el 30 d'abril de 2022, y dempués del so estrenu siguió proyectándose en festivales, incluyendo la sección 'Made in Spain' del Festival de Cine de San Sebastián. Dempués d'adquirir los derechos de la película, n'avientu de 2022 la distribuidora Begin Again Films programó'l so estrenu pal 3 de febreru de 2022.
Recepción La amiga de mi amiga estrenóse de forma llindada en 20 sales, coincidiendo principalmente colos estrenos de Knock at the Cabinn, The Banshees of Inisherin y Astérix et Obélix: L'Empire du milieu Na so primer fin de selmana, recaldó 2.225 euros de 337 espectadores, para un promediu por copia de 148 euros. Pal 19 de marzu de 2023, dempués de siete selmanes, la película recaldó un total de 14.775 euros de 2.622 espectadores.
Referencies
Enllaces esternos
Categoría:Películes d'España Categoría:Películes en castellanu Categoría:Cultura LGBT