Carla Quílez Alonso ye una actriz y baillarina catalana, conocida pol so papel protagonista na película de drama adolescente La maternal (2022), pola que ganó la Concha de Plata a la Meyor Interpretación Protagonista.
Trayectoria Carla Quílez Alonso nació en febreru de 2008 nel barriu d'Horta en Barcelona, y ye fía d'Eva, alministrativa de loxística. Empezó a formase en danza a los 6 años, prauticando dellos xéneros, empezando por balé, contemporaneu, balé con claqué, danza urbana y hip hop.
Fizo una audición pa la película La maternal dempués de que la directora de casting, Irene Roqué, afayara unu de los sos videos de coreografíes n'Instagram. Quílez debutó nel llargumetraxe nel drama adolescente La maternal, de Pilar Palomero, interpretando a Carla, una adolescente embarazada que llega a un centru d'acoyida para madres adolescentes, onde recibe sofitu y crea venceyos con otres moces na mesma situación.
Reconocencies La interpretación en La maternal valió-y dellos reconocimientos, como la Concha de Plata a la Meyor Interpretación Protagonista ex-aequo con Paul Kircher na 70 edición del Festival Internacional de Cine de San Sebastián, el Premiu Gaudí a la Meyor Interpretación Revelación, la Medaya del Círculu d'Escritores Cinematográficos a la Meyor Actriz Revelación, y una nominación a la Meyor Actriz de Cine en los Premios Feroz.
Referencies
Enllaces esternos
Categoría:Actores y actrices de Barcelona