miniatura|dereita|Anfiteatro no que se celebran actos durante a Romaría do Rapaz A Romaría do Rapaz é unha festa lúdica para nenos que ten lugar no mes de xuño na contorna do Santuario da Saleta, en Siador, no concello pontevedrés de Silleda.
Considerada única a nivel galego e español, a súa primeira edición celebrouse no ano 1989. Nela lévanse a cabo obradoiros de manualidades, actividades multiaventura e xogos tradicionais, ademais de actuacións de magos, pallasos ou agrupacións musicais. Nese día, o contorno do Santuario da Virxe da Saleta, onde tamén se celebra a romaría da Saleta, énchese de familias que aproveitan o equipamento existente ao pé dos carballos para xantar, merendar ou cear. O acto máis importante do día é o desfile de modelos con traxes elaborados con material de refugallo polos propios nenos e pais.
Esta apoiada polo Concello de Silleda, a Comunidade de Pais Saletinos e distintas institucións e colectivos.
Categoría:Festas de Galicia Categoría:Silleda