Esperanza Aguilà Ducet, nada en Barcelona o 6 de novembro de 1951, é unha enfermeira, axente de igualdade e escritora catalá.
Traxectoria Esperanza Aguilà Ducet naceu en Barcelona en 1951. Licenciouse en enfermaría na Universidade de Barcelona e está especializada na promoción da saúde con perspectiva de xénero e en políticas de igualdade.
É presidenta do Centro de Análise e Programas Sanitarios (CAPS). Impartiu numerosos obradoiros e charlas sobre a saúde das mulleres. Tras incursionar a partir de 1996 nos obradoiros de escritura creativa Grafein, pioneiros en Barcelona, impartidos por Silvia Adela Kohan e Ariel Rivadeneiraha, colaborou na revista especializada "Mujeres y Salud" na que publicou varios artigos dende o ano 2002.
Publicou un texto en Agenda de les Dones do ano 2008, e obtivo o primeiro premio no XIX Concurso de Conto Breve na Revista Escribir y Publicar polo seu relato «Plenitud», e unha mención especial no V Certame de Relato curto Paz Pasamar do concello de Jerez de la Frontera, por «Cenefas». En 2014 publicou a súa primeira novela titulada En el patio de atrás.
Obras Relato Plenitud, 2000 Cenefas, 2005
Novela En el patio de atrás (Moment Angular, 2014)
Premios e recoñecementos XIX Concurso de Conto Breve na Revista Escribir y Publicar, 2000. Mención especial no V Certame de Relato curto Paz Pasamar do concello de Jerez de la Frontera, Cádiz 2005.
Notas
Categoría:Nados en 1951 Categoría:Nados en Barcelona Categoría:Feministas de Cataluña Categoría:Escritores de Cataluña Categoría:Escritores en lingua castelá