miniatura|180px|Dopamina miniatura|180px|Norepinefrina (noradrenalina) miniatura|180px|Serotonina Os neurotransmisores monoaminas son compostos químicos que funcionan como neurotransmisores e neuromoduladores, que conteñen un grupo amino conectado a un anel aromático por medio dunha cadea de dous carbonos (como -CH2-CH2-). Exemplos son a dopamina, a norepinefrina (noradrenalina) e a serotonina.
Todas as monoaminas derivan de aminoácidos aromáticos como a fenilalanina, tirosina e triptófano pola acción de encimas aminoácido aromático descarboxilases. Son desactivadas no corpo polos encimas monoamino oxidases, que separan o grupo amino.
Sistemas monoaminérxicos, por exemplo as redes neuronais que usan neurotransmisores monoaminas, están implicados na regulación de procesos como a emoción, excitación e certos tipos memoria. Tamén desempeñan un importante papel na secreción e produción de neurotrofina-3 realizada polos astrocitos, un composto químico que mantén a integridade das neuronas e proporciona a estas soporte trófico.
As drogas que incrementan ou reducen o efecto de neurotransmisores monoamina utilízanse para tratar pacientes con trastornos psiquiátricos e neurolóxicos, incluíndo a depresión, ansiedade, esquizofrenia e párkinson.
Exemplos miniatura|500px|Biosíntese de catecolaminas e aminas traza. As aminas traza fenetilaminérxicas e as catecolaminas son derivados da L-fenilalanina. Moléculas da 1ª columna (de arriba a abaixo): L-fenilalanina, L-tirosina, L-DOPA, epinefrina. Moléculas da 2ª columna: feniletilamina, p-tiramina, dopamina, norepinefrina. Moléculas da 3ª columna: N-metilfenetilamina, N-metiltiramina, p-octopamina, sinefrina, 3-metoxitiramina. Monoaminas clásicas Imidazolaminas: Histamina Catecolaminas: Adrenalina (Ad; Epinefrina, Epi) Dopamina (DA) Noradrenalina (NAd; Norepinefrina, NE) Indolaminas: Serotonina (5-HT) Melatonina (MT)
Aminas traza Entre as aminas traza humanas están as seguintes: Fenetilaminas (relacionadas coas catecolaminas): Fenetilamina (PEA) N-Metilfenetilamina (isómero de anfetamina endóxena) Feniletanolamina m-Tiramina p-Tiramina 3-Metoxitiramina N-Metiltiramina m-Octopamina p-Octopamina Sinefrina Compostos de tironamina: 3-Iodotironamina Triptamina
Existen unhas proteínas transportadoras específicas chamadas transportadores de monoaminas que transportan monoaminas cara a dentro e a fóra da célula. Son o transportador de dopamina (DAT), o transportador de serotonina (SERT) e o transportador de norepinefrina (NET), situados na membrana plasmática externa, e os transportadores de monoaminas vesiculares (VMAT1 e VMAT2), situados en membranas intracelulares de vesículas.
Despois da súa liberación na fenda sináptica, a acción dos neurotransmisores monoaminas acaba na recaptación no terminal presináptico. Alí, poden ser reempaquetados en vesículas sinápticas ou degradados polo encima monoamino oxidase (MAO), que é a diana dos inhibidores da monoamina oxidase, un tipo de antidepresivos.
Evolución miniatura|350px|Árbore filoxenética que mostra como están relacionados entre si varios receptores de monoaminas. Os sistemas de neurotransmisores monoaminas aparecen en virtualmente todos os vertebrados, nos cales a evolucionabilidade destes sistemas serviu para promover a adaptabilidade das especies de vertebrados a diferentes ambientes.
Notas
Véxase tamén Outros artigos Inhibidor da recaptación de monoaminas Receptor de monoaminas Monoamino oxidase Transportador de monoaminas Amina bioxénica
Ligazóns externas
Categoría:Neurotransmisores Categoría:Aminas Categoría:Anfetaminas