Manuel Puga Pereira, nado en Redondela o 16 de xullo de 1951, é un farmacéutico e escritor galego.
Traxectoria Licenciado en Ciencias Biolóxicas e Farmacia pola Universidade de Santiago de Compostela e doutor en Ciencias. Foi profesor da USC e despois foi director xeral dos laboratorios farmacéuticos ICI-Farma e AstraZeneca. En 2006 foi nomeado presidente do Consello Social da USC, permanecendo no cargo ata 2011; por ese cargo foi membro do Consello Galego de Universidades, do Consello de Dirección da ACSUG e do comité de honra da Fundación Camilo José Cela.
Foi presidente da Fundación Galicia-Empresa (2002-2007) e dende 2014 da Real Academia de Farmacia de Galicia e da Fundación Julian Francisco Suárez Freire. Foi vogal profesional da Comisión Avaliadora da ACSUG no campo do coñecemento de Ciencias da Saúde dende 2014. Conselleiro da Editorial Galaxia, en decembro de 2016 foi nomeado presidente da Fundación Penzol, en substitución de Afonso Zulueta de Haz. Vida persoal
É neto de Luís Pereira Míguez e Ernestina Otero.
Obras Ernestina Otero Sestelo. Pedagoga (Ediciós do Castro, 1992) Redondela, 1994.
Notas
Categoría:Farmacéuticos de Galicia Categoría:Alumnos da Universidade de Santiago de Compostela Categoría:Escritores de Galicia en lingua galega Categoría:Nados en Redondela Categoría:Nados en 1951 Categoría:Profesores da Universidade de Santiago de Compostela