Hells Angels Motorcycle Club (HAMC polas súas siglas en inglés) (Club de motocicletas Anxos do Inferno) é un club de moteiros de orixe estadounidense. As motocicletas máis típicas do club son as Harley-Davidson. Nos Estados Unidos e no Canadá, os Hells Angels son sociedades coñecidas como Hells Angels Motorcycle Corporation. Alcumes habituais do club son "H.A.", "Red & White", "HAMC" e "81"."81" é unha metonimia. O 'H' e o 'A' son a oitava e a primeira letra do alfabeto.
O club foi fundado en Fontana (California) en 1948. Ao cabo duns anos adheríronse outras cuadrillas e clubs da área e actualmente crese que ten entre 2000 e 3600 membros repartidos por todo o mundo.History Channel episode, «Hells Angels MC World»
En maio de 2019, un tribunal de Utrecht emitiu un veredicto que fixo dos Países Baixos o primeiro país en prohibir completamente os Hells Angels; outros países como Alemaña prohibira capítulos locais, mais nunca o club completo. O Departamento de Xustiza dos Estados Unidos considera o club unha organización criminal.
Historia esquerda|miniatura|Este B-17F, con número de cola 41-24577, foi chamado Hell's Angels polo filme de 1930 de Howard Hughes Hell's Angels sobre os pilotos de caza da I Guerra Mundial.Bishop, Cliff T. (1986). Fortresses of the Big Triangle First, East Anglia Books. ISBN 1-869987-00-4, pp.160, 236. Os Hells Angels fundáronse o 17 de marzo de 1948, pola familia Bishop, veteranos estadounidenses de guerra en Fontana, California,Drewery, George (Spring 2003). "3 Skulls, Wings & Outlaws – Motorcycle Club Insignia & Cultural Identity" (PDF). Inter-Cultural Studies; A Forum on Social Change & Cultural Diversity. 3 (2). p. 29. ISSN 1445-1190. Arquivado do orixinal (PDF) o 6 de setembro de 2006. aos que seguiu unha amálgama de antigos membros de diversos clubs de motocicletas, tales como o Pissed Off Bastards de Bloomington.History Channel episode, Hell's Angels. Ligazón dispoñible en Internet Archive; véxase o historial e a última versión).History Documentary Hell's Angels Time Index approximately 00.05 minutes into the program A páxina web dos Hells Angels nega a insinuación de que calquera inadaptado ou tropas descontentas estean conectados co club."Hels Angels Motorcycle Club World". hells-angels.com. Consultado o 30 de novembro de 2014. Tamén sinala que o nome foi suxerido por Arvid Olsen, un dos fundadores, que servira no escuadrón dos "Anxos do Inferno" dos Tigres Voadores na China durante a segunda guerra mundial."Hells Angels MC World". Hells-angels.com. Consultado o 15 de febreiro de 2011. O nome de "Anxos do Inferno" inspirouse na denominación típica dos escuadróns estadounidenses ou outros grupos de loita, cun título feroz e desafiante da morte na primeira e segunda guerra mundial, por exemplo, os Flying Tigers (grupo de voluntarios estadounidenses) en Birmania e na China colocaron tres escuadróns de P-40 e o terceiro foi chamado "Anxos do Inferno".Rossi, J.R. "Flying Tiger Association Unit Rosters". The Flying Tigers - American Volunteer Group - Chinese Air Force En 1930, o filme de Howard Hughes Hell's Angels mostrou as fazañas extraordinarias e perigosas da aviación, e crese que os grupos da segunda guerra mundial que utilizaron ese nome baseárono no filme.
Parte da historia temperá da HAMC non está clara, e as versións difiren. Segundo Ralph 'Sonny' Barger, fundador do capítulo de Oakland, os primeiros capítulos do club fundáronse en San Francisco, Gardena, Fontana e Oakland, todos en California, e os membros non eran conscientes de que xa existían outros clubs de motos. Un dos clubs menos coñecidos existiu en North Chino, Pomona, a finais dos anos sesenta. Outras fontes afirman que os Hells Angels de San Francisco foron organizados en 1953 por Rocky Graves, un membro do club Anxo do Inferno de San Bernardino ("Berdoo") o que implicaba que os Anxos dos Infernos de San Francisco eran conscientes dos seus antecedentes. Os Hells Angels de "Frisco" foron reorganizados en 1955 con trece socios fundadores, con Frank Sadilek como presidente, e empregando un logotipo máis pequeno e orixinal. O capítulo de Oakland, dirixido entón por Barger, usou unha versión maior do remendo da "Cabeza da Morte" alcumado o "Barger máis grande", que foi empregado por primeira vez en 1959. Posteriormente converteuse no logo estándar do club. esquerda|miniatura|Hells Angels de Karlsruhe, Alemaña. Os Hells Angels adoitan ser representados de forma semimítica e romántica: libres de espírito e ligados pola fraternidade e a lealdade. Noutras ocasións, como no filme de Roger Corman de 1966, Os anxos do inferno, son descritos como violentos e nihilistas, pouco máis que unha banda criminal violenta e un azoute da sociedade.
O club fíxose prominente e estableceu a súa notoriedade como parte do movemento da contracultura dos anos 60 na escena de Haight-Ashbury de San Francisco, tendo un papel en moitos dos acontecementos do movemento. Os membros estaban conectados con moitos dos líderes da contracultura, como Ken Kesey e os Merry Pranksters, Allen Ginsberg, Jerry Garcia e os Grateful Dead, Timothy Leary, os Beatles, os Rolling Stones, Mick Farren e Tom Wolfe. O club lanzou a carreira do xornalista "gonzo" Hunter S. Thompson.
Incidentes e actividades criminais Numerosas policías e axencias de intelixencia internacionais clasifican os Hells Angels como unha das "catro grandes" bandas de motociclistas estadounidenses, xunto cos Pagans, Outlaws e Bandidos, e sosteñen que os membros levan a cabo crimes violentos xeneralizados, incluídos o tráfico de drogas, o tráfico de bens roubados e a extorsión e que están involucrados na prostitución. Os membros da organización afirman continuamente que son só un grupo de entusiastas das motocicletas que se uniron para montar xuntos, para organizar eventos sociais como viaxes en grupo, recadacións de fondos, festas e manifestacións de motocicletas e que calquera crime é responsabilidade dos individuos que os levaron a cabo e non do club no seu conxunto.
Notas
Véxase tamén
Ligazóns externas Páxina oficial FBI file on Hell's Angels Never-Seen: Hells Angels, 1965 – slideshow by Life magazine
Categoría:Motociclismo Categoría:Organizacións internacionais