Carolina García Tenreiro, nada en Neda, foi unha mestra e política galega.
Traxectoria Estudou Maxisterio na Escola Normal de Pontevedra.El Eco de Santiago, 28-9-1910, p. 2. En 1907 foi nomeada mestra interina da escola mixta de Aranza (Soutomaior), praza á que renunciou en outubro de 1909 por problemas de saúde. En 1912 foi mestra substituta nesa escola, presentando novamente renuncia en abril de 1914, para ir á escola de nenas de Marín. Despois foi substituta en Codeseda (A Estrada) e Salceda de Caselas. A finais de 1916 foi nomeada mestra de Guláns (Ponteareas), alí desamigouse co párroco que a levou aos tribunais. Condenada, a sentenza non foi cumprida por presións de arriba, pero o cura e o deputado Manuel Fernández Barrón conseguiron o seu traslado de Guláns."En defensa de una maestra", El Tea, 8-2-1918, p. 2. En agosto de 1918 foi nomeada mestra substituta en Vilaboa. Entre maio de 1921 e xuño de 1926 exerceu en Chaín (A Insua, Ponte Caldelas), e nese ano foi nomeada mestra de Santo Paio de Arriba (Reboreda).
Militante do Partido Republicano Radical, en 1934 foi nomeada concelleira de Redondela, tomando posesión o 13 de novembro como membro da corporación presidida por Buenhijo Pérez Sobrino. Foi a primeira concelleira de Redondela. Presentou a dimisión como concelleira en decembro de 1935. Logo do golpe de Estado do 18 de xullo de 1936 foi suspendida de emprego e soldo o 1 de setembro.El Pueblo Gallego, 1-9-1936, p. 10. Foi reposta en abril de 1938,Diario de Pontevedra, 2-4-1938, p. 2. e continuou ensinando en Reboreda ata a súa xubilación en 1943.
Notas
Véxase tamén
Ligazóns externas
Carolina García Tenreiro. A primeira concelleira
A muller en Redondela
Categoría:Profesores de Galicia Categoría:Concelleiros de Redondela Categoría:Concelleiros de Galicia durante a II República Categoría:Nados no século XIX Categoría:Finados no século XX Categoría:Personalidades de Galicia sen imaxes Categoría:Finados en ano descoñecido Categoría:Nados en ano descoñecido