Festival de Eurovisión 2020

O LXV Festival de Eurovisión ía celebrarse no Rotterdam Ahoy, en Róterdam, Países Baixos, os días 12, 14 e 16 de maio de 2020, despois de que Duncan Laurence gañase a edición de 2019 coa canción «Arcade». Porén, o certame foi cancelado debido á pandemia de COVID-19. Sería a quinta vez que os Países Baixos organizasen o festival, algo que non sucedía desde o Festival de Eurovisión de 1980. Como alternativa, emitiuse desde os Países Baixos un programa especial, cos mesmos presentadores e a porta pechada, chamado Eurovision: Europe Shine a Light, no que se emitiron extractos de todas as cancións participantes. Ademais, editouse o CD oficial cos temas da edición, como todos os anos.

Os presentadores do certame ían ser os cantantes e presentadores Edsilia Rombley, Chantal Janzen e Jan Smit. Pola súa banda, o festival contaría coa colaboración da coñecida youtuber neerlandesa Nikkie de Jager (NikkieTutorials), que falaría do acontecido no concurso a través das canles oficiais, realizaría unha serie especial de YouTube entre bastidores cos artistas participantes, informaría desde a alfombra vermella durante a cerimonia de apertura e participaría nos tres espectáculos en directo.

O lema desta edición ía ser Open Up («Ábrete»). Con este lema pretendíase reflectir a apertura de mente dos Países Baixos cara ao mundo, convidando as persoas a abrirse aos demais, ás diferentes opinións, ás historias que outras persoas teñen que contar e, por suposto, a todo tipo de música. O lema veu acompañado dun logotipo presentado o 28 de novembro, que simbolizaría a celebración dos 65 anos do festival mediante unha representación abstracta das cores das bandeiras dos 41 países participantes en 2020, ordenados desde a súa primeira participación no certame.

Nesta edición do festival participarían 41 países en total, incluíndo Bulgaria e Ucraína, que regresarían tras a súa ausencia en 2019. Pola contra, Hungría e Montenegro confirmaron a súa retirada. Finalmente, ao ano seguinte celebrouse na mesma cidade o Festival de Eurovisión 2021.

Organización miniatura|Rotterdam Ahoy, a sede prevista do Festival de Eurovisión 2020. miniatura|Os presentadores previstos para o Festival de Eurovisión 2020: Chantal Janzen, Jan Smit e Edsilia Rombley. O supervisor executivo do Festival de Eurovisión, Jon Ola Sand, entregou na rolda de prensa do gañador da edición de 2019 un «kit de ferramentas» —composto por un cartafol e unha unidade USB— para comezar o traballo necesario para albergar o festival. Tamén afirmou que as reunións coa televisión anfitrioa comezarían en xuño de 2019, pois non sería o primeiro festival organizado nos Países Baixos, mais si o primeiro a cargo de AVROTROS, que tiña os dereitos do certame desde 2014 e aínda non tivera oportunidade de organizalo. Ademais, a produción levaríase a cabo xunto coa NOS e a NPO, asumindo cada unha un papel diferente.

Sede do festival En maio de 2019, segundo informacións do primeiro ministro neerlandés, Mark Rutte, numerosos concellos amosaron interese en presentar candidaturas para acoller o Festival de Eurovisión 2020. Inicialmente, Zwolle tamén expresou a súa intención de albergar o evento, mais finalmente decidiu retirarse do proceso de selección porque o seu recinto, o IJsselhallen, foi considerado «inadecuado».

O 5 de xullo de 2019, a capital, Ámsterdam, que xa fora sede do festival en 1970, retirou a súa candidatura ao argumentar que todos os seus grandes espazos estaban reservados en maio de 2020 e que sufría unha forte saturación turística que non permitiría aproveitar o potencial do festival. Este feito tamén se interpretou como un desexo de visibilizar outras cidades neerlandesas como destinos turísticos. O 10 de xullo de 2019 rematou o prazo para que as cidades presentasen formalmente a súa candidatura e comezase o proceso oficial de licitación. Dentro do prazo presentáronse cinco cidades: Arnhem, Bolduque, Maastricht, Róterdam e Utrecht. O 16 de xullo de 2019, o comité organizador determinou que as candidaturas de Maastricht e Róterdam eran as únicas que cumprían todos os requisitos en canto a instalacións, capacidade hoteleira e disposición económica, polo que se comunicou que eran as dúas cidades finalistas con posibilidades de albergar o certame. Finalmente, o 30 de agosto anunciouse que Róterdam acollería o festival.Róterdam será la sede de Eurovisión 2020

Candidaturas oficiais

Cidade Recinto Capacidade Notas Ref. Arnhem GelreDome 41.000 Candidatura conxunta con Nimega e a rexión Veluwe. Estadio con teito retráctil, sede da Eurocopa 2000. Bolduque Brabanthallen 's-Hertogenbosch >11.000 Candidatura conxunta con Breda pola Provincia de Brabante Setentrional. Maastricht MECC Maastricht 20.000 Candidatura apoiada pola Provincia de Limburgo. Róterdam Rotterdam Ahoy 16.000 Sede do Festival de Eurovisión Júnior 2007; do Nationaal Songfestival en 2000, 2001 e 2003; e dos MTV Europe Music Awards en 1997 e 2016. Candidatura apoiada pola Provincia de Holanda Meridional e os concellos de Dordrecht e A Haia. Utrecht Jaarbeurs 11.000 Sede do Nationaal Songfestival en 1974 e 1975.

Datas O 30 de agosto de 2019, no mesmo anuncio no que se confirmou que Róterdam sería a cidade sede, reveláronse as datas das semifinais, fixadas para o 12 e o 14 de maio de 2020, e a da final, que sería o 16 de maio.

Identidade visual Como é habitual, como acompañamento do isotipo xenérico de Eurovisión, a organización desta edición creou unha identidade visual propia para o desenvolvemento do festival, que foi presentada o 28 de novembro de 2019. O emblema principal desta identidade gráfica é unha forma circular concéntrica que inclúe as cores das bandeiras dos 41 países participantes en 2020, ordenados —no sentido das agullas do reloxo— desde a súa primeira participación no certame. O logotipo acompaña o lema «Open Up» («Ábrete»). A infografía, a decoración e os produtos promocionais, entre outros aspectos, xirarían arredor deste concepto artístico.

O deseño do escenario foi encargado ao escenógrafo alemán Florian Wieder, que xa participara na creación dos escenarios de Eurovisión en seis ocasións (2011, 2012, 2015, 2017, 2018 e 2019), ademais de traballar en diversas galas da MTV e dos Premios Primetime Emmy, entre outros eventos. Segundo o deseñador, o escenario inspirábase na identidade «Open Up» e na paisaxe típica neerlandesa, caracterizada polo seu horizonte chan e aberto; o chan do escenario combinaría distintas plataformas e pasarelas inspiradas nas canles e pontes, igualmente características da paisaxe. A denominada Green Room —o lugar onde os artistas agardan os resultados despois da súa actuación— estaría situada no mesmo recinto, na platea entre o público asistente.

Durante o festival, cada actuación estaría precedida por un breve vídeo de introdución —coñecido como postcard ou «postal»—. Os vídeos, gravados en diversas localizacións dos Países Baixos, amosarían os artistas participantes realizando unha actividade, tradición ou afección das que se practican no país.

Actos de apertura e intervalo A segunda semifinal abriríase cunha actuación do breakdancer Redo e a final cun desfile de bandeiras no que se presentaría aos vinte e seis finalistas, acompañados pola música producida polo DJ Pieter Gabriel, de 15 anos. Así mesmo, estaba previsto que unha orquestra sinfónica de sesenta e cinco músicos novos dos Países Baixos, formada especificamente para a ocasión, actuase na final xunto ao DJ Afrojack e a cantante Glennis Grace, representante dos Países Baixos en 2005. Este acto de intervalo incluiría corenta bailaríns e un coro góspel de vinte e cinco persoas. Ademais, a final contaría con actuacións de oito gañadores de Eurovisión: Gigliola Cinquetti con «Non ho l'età», Lenny Kuhr con «De troubadour», Getty Kaspers (de Teach-In) con «Ding-a-dong», Sandra Kim con «J'aime la vie», Paul Harrington e Charlie McGettigan con «Rock 'n' Roll Kids», Alexander Rybak con «Fairytale» e Duncan Laurence con «Arcade».

Álbum oficial Malia a cancelación do festival, a UER confirmou que o álbum coas 41 cancións da edición, titulado Eurovision Song Contest: Rotterdam 2020, se poría á venda. Nun principio, Universal Music Group ía lanzalo o 17 de abril, mais a data foi adiada ata o 15 de maio.

Países participantes

O 13 de novembro de 2019, a UER anunciou que 41 países participarían no concurso, coa ausencia de Hungría e Montenegro.

Cancións e selección {| class="wikitable" |- bgcolor="#cccccc" ! rowspan="2" | País e TV ! ! Artista(s) ! rowspan="2" |Proceso e data de selección |- ! Tradución ao galego ! Lingua(s) |- | rowspan="2" | Albaniahttps://eurovoix.com/2019/07/22/albania-eurovision-2020-participation-confirmed/RTSH | «Fall From The Sky» | Arilena Ara | rowspan="2" |Festivali i Këngës 58, 22-12-2019(Presentación da versión final, 10-03-2020) |- | «Caída do ceo» |Inglés |- | rowspan="2" | AlemañaNDR | «Violent Thing» | Ben Dolic | rowspan="2" |Elección interna, 27-02-2020(Presentación da versión final, 26-04-2020) |- | «Cousa violenta» | Inglés |- | rowspan="2" | ArmeniaAMPTV |«Chains on You» |Athena Manoukian | rowspan="2" |Depi Evratesil 2020, 15-02-2020(Presentación da versión final, 13-03-2020) |- | «Encadearte» | Inglés |- | rowspan="2" | AustraliaSBS | «Don’t Break Me» | Montaigne | rowspan="2" |Australia Decides 2020, 08-02-2020 |- | «Non me rompas» | Inglés |- | rowspan="2" | AustriaORF | «Alive» | Vincent Bueno | rowspan="2" | Elección interna, 12-12-2019(Presentación da canción, 05-03-2020) |- | «Vivo» |Inglés |- | rowspan="2" | Acerbaixánhttp://esctoday.com/176950/azerbaijan-ictimai-confirms-participation-in-eurovision-2020/https://es.azvision.az/news/62395/azerbaiy%C3%A1n%C2%A0confirma-oficialmente-su-participaci%C3%B3n-en-eurovisi%C3%B3n-2020.htmlİTV |«Cleopatra» | Samira Efendi | rowspan="2" |Elección interna, 28-02-2020(Presentación da canción, 10-03-2020) |- | — |inglés e xaponés |- | rowspan="2" | BélxicaVRT |«Release Me» |Hooverphonic | rowspan="2" | Elección interna, 01-10-2019(Presentación da canción, 17-02-2020) |- |«Libérame» |Inglés |- | rowspan="2" | Belarúshttp://esctoday.com/177009/belarus-btrc-confirms-participation-in-eurovision-2020/BRTC | «Da Vidna» (Да вiдна) | VAL | rowspan="2" | Natsionalniy Otbor 2020, 28-02-2020 |- | «Antes do amencer» | Belaruso |- | rowspan="2" | BulgariaBNT | «Tears Getting Sober» |Victoria Georgieva | rowspan="2" |Elección interna, 25-11-2019(Presentación da canción, 07-03-2020)

| rowspan="2" | Estoniahttps://eurovisionworld.com/eurovision/2020/event#participantshttps://www.ogaespain.com/estonia-confirma-su-participacion-en-eurovision-2020/https://eurovoix.com/2019/08/06/estonia-eurovision-2020-participation/http://esctoday.com/176190/estonia-err-confirms-participation-in-eurovision-2020/ERR

Festival de Eurovisión 2020

Fuente y licencia