Agapito Pombo Salgado, nado nas Encrucilladas (Toldaos, Triacastela) en 1900 e finado en outubro de 1978, foi un gaiteiro galego asentado en Asturias.
Traxectoria Logo de quedar orfo aos 10 anos fixéronse cargo del os seus avós Andrea Agustina e José, e a súa tía Castora. Despois foi a Viveiro co seu tío José, con quen foi a Asturias á procura de traballo. Comezaron a traballar nunha empresa mineira en Morea (Ayer), e residiron en La Casanueva. En 1921 casou con Marselinda González González, con quen tivo sete fillos. Foi vivir á casa da sogra en La Reguera (Caborana).
Na década de 1930 fíxose taxista logo de mercar un coche de segunda man. A finais da década de 1940 traballou como tractorista na empresa mineira Hullera Española no pozo San Jorge. Tivo un accidente laboral no que rompeu a cadeira, e malia recuperarse en Bustiello e Oviedo, arrastrou unha minusvalía nunha perna.
Xubilouse de forma anticipada en 1960, e retomou a práctica da gaita, que xa tocaba de neno, e ingresou nos coros e danzas da Sección Femenina de Morea. Fíxose tamén construtor de gaitas. Finou en outubro de 1978 logo de sufrir glaucoma na vista e varias apoplexías.
Recoñecementos En 1995 recibiu unha homenaxe no Teatro Campoamor de Oviedo polo seu traballo a prol do folclore asturiano.
Notas
Véxase tamén
Ligazóns externas Pombo González, José Manuel (2011): "Gapito, El Gaiteru", no blog Gaita Asturiana .
Categoría:Gaiteiros de Galicia Categoría:Nados en 1900 Categoría:Nados en Triacastela Categoría:Finados en 1978 Categoría:Personalidades de Galicia sen imaxes