Ciro Guerra, nado o 6 de febreiro de 1981, é un director e guionista colombiano.
Traxectoria En 2004 realizou o seu primeiro filme, La sombra del caminante, que resultou candidato colombiano ó Óscar ó mellor filme en lingua non inglesa na 78ª edición dos premios mais non foi nomeado. O seu seguinte filme, Los viajes del viento, competiu na sección Un Certain Regard do Festival de Cannes de 2009 e foi escollido como candidato colombiano 82ª edición dos premios, mais tampouco foi escollido. O seu filme de 2015 El abrazo de la serpiente foi proxectado na sección "Quinzaine des Réalisateurs" do Festival de Cannes de 2015, onde gañou o premio C.I.C.A.E. Gañou o premio de mellor filme no Festival Internacional de Cinema de Odesa e Lima, onde tamén recibiu o premio. O filme estivo entre os nomeados na 88ª edición dos premios, sendo o primeiro filme colombiano en ser nomeado na historia.
En 2018 Guerra estreou o seu cuarto filme, Pájaros de verano. Rodado no deserto de La Guajira, Colombia, Guerra declarou que é "como un filme de gángters, mais é algo completamente diferente a calquera filme de gángsters que viras xamais".
Notas
Categoría:Nados en 1981 Categoría:Directores de cinema de Colombia