Wenceslao Orbea Alberdi, nado en Éibar, e finado o 6 de marzo de 1919, foi un avogado e político vasco.
Wenceslao Orbea foi letrado oficial da Deputación Foral de Guipúscoa e participou activamente na fundación da Caixa de Aforros Provincial de Guipúscoa, ó cabo, xunto coa Caixa de Aforros Municipal de San Sebastián formaría a Kutxa e a presente Kutxabank. Tamén participou na refundación da Real Sociedade Bascongada de Amigos do País que tivo unha relevancia moi notoria na cultura e a arte así como nos estudos históricos vinculados co País Vasco.
Impulsou a industria guipuscoana e propuxo, en Oñate en 1918, a creación da Cámara de Industrias en Guipúscoa.
Biografía Wenceslao Orbea naceu na poboación guipuscoana de Éibar no País Vasco. Estudou dereito e incorporouse como letrado na Deputación Foral guipuscoana. Experto en foros e en tradicións do pobo vasco. Foi presidente do Consello de Administració da Caixa Provincial de Guipúscoa e da Industrial Orbea. Foi deputado provincial e a Cortes polo partido de Antonio Maura dende o 22 de abril de 1916 até o 10 de xaneiro de 1918. Finalmente, foi un dos impulsores do renacemento da Real Sociedade Bascongada de Amigos do País.
Casou con Felisa Biardeau e tiveron catro fillos, Adelaida, Isabel, Manuel e Elisa. Morreu o 6 de marzo de 1919.
Véxase tamén Ligazóns externas Egoibarra. Wenceslao Orbea Alberdi Mediana y pequeña empresa (1918) en Auñamendi, enciclopedia vasca
Categoría:Nados en Éibar Categoría:Nados no século XIX Categoría:Finados en 1916 Categoría:Políticos do País Vasco