Juan González Montenegro, nado en Noia o 17 de febreiro de 1861, foi un xornalista, escritor, militar e explorador galego.
Traxectoria Estudou o Bacharelato en Santiago de Compostela. Emigrou a Cuba en 1875, con catorce anos. Dedicouse ao xornalismo, colaborando en La Voz de Cuba, La Patria e El Asimilista e fundou os semanarios El Duende e El Noticiero Ilustrado e os xornais El Brujo, El Combate de Camajuaní, La Tribuna de Manzanillo, La Opinión Pública de Santiago de Cuba, La Nación e La Voz de Galicia, no que popularizou os pseudónimos El Brujo e Montenegro. Mantivo polémicas con Waldo A. Insua. Publicou por entregas na Coruña El álbum de un guerrillero, páginas de la guerra de Cuba de 1895 a 1898 sobre a Guerra hispano-estadounidense na que loitou contra a emancipación dos cubanos.
En 1899 marchou a Montevideo e logo a Buenos Aires, onde dirixiu Correo de Galicia na súa segunda etapa (1899-1900). Organizou unha expedición ao Chaco Boreal na procura de Enrique Ibarreta, a quen encontrou xa morto cando chegou a Asunción. Estivo seis anos na selva e explorou de Orán a Yacuiba e logo de alí a Acre. Faleceu na Arxentina.
Obras El álbum de un guerrillero, páginas de la guerra de Cuba de 1895 a 1898, 1899. A través de los desiertos. Aventuras de un explorador, 1907. España no muere (drama lírico).
Véxase tamén Bibliografía
Ligazóns externas Rodríguez, Pastor (24/11/2014). "Un noiés en América", La Voz de Galicia
Categoría:Xornalistas de Noia Categoría:Escritores de Galicia en lingua castelá Categoría:Militares de Galicia Categoría:Galegos de Cuba Categoría:Galegos da Arxentina Categoría:Nados en Noia Categoría:Nados en 1861