El ginger ale ye una bébora gaseoso d'orixe inglés fabricada con agua mineral, xenxibre, azucre y llimón. Nel sieglu XIX popularizóse nes tabiernes o cerveceríes ingleses p'ablandar les bébores alcohóliques con xenxibre. Esto daría orixe a lo que güei conocemos como ginger ale.
Na so versión comercial viéndese como agua carbonatao (gaseosa), siendo les marques más famoses: Canada Dry, Nordic, Schweppes, Seagram's, Evervess, Cunnington y Vernors. Suel tomase solo o entemecío con dalgún llicor.
Usos
El ginger ale ye llargamente conocíu como ingrediente pa cócteles p'amenorgar l'alcohol. Pa dalgunos, trátase d'una ximistría qu'ayuda a prevenir o solliviar l'amoriu, los trestornos estomacales y inclusive el dolor de gargüelu; munches muyeres empléguenlo pa combatir la estomagada mientres l'embaranzu.Alliviu pa les estomagaes - Todobebé Amás fáense cócteles ensin llicor con zusmios de frutes.
Tipos
Esisten dos tipos: ginger ale gold y ginger ale dry, siendo esti postreru'l más comercializáu. Anguaño los grandes fabricantes ponen nel mercáu ginger ale arumao y coloriao con productos naturales y artificiales, con distintos sabores de frutes.
Esiste otra bébora bien semeyante conocida como ginger beer, o cerveza de xenxibre, que tien dacuando menos gas y ye más duce. La clas orixinal contién alcohol, igual que la cerveza corriente de malta, pero tamién hai versiones de ginger beer ensin alcohol.
Referencies
Enllaces esternos
Receta de Ginger Ale fecho en casa Ginger Ale y Ginger Beer
Categoría:Bébores