Max Rockatansky, conocíu tamién como Mad Max, ye un personaxe ficticiu y protagonista de la franquicia cinematográfica Mad Max, creada pol cineasta australianu George Miller. El personaxe debutó en Mad Max (1979), onde foi interpretáu por Mel Gibson, actor que volvió desempeñar el papel en Mad Max 2 (1981) y Mad Max Beyond Thunderdome (1985).
Na primera película, Max ye un axente de policía d'una Australia próxima al colapsu social que patrulla les carreteres y combate bandes motorizades. Tres l'asesinatu de la so familia abandona progresivamente la vida anterior y conviértese nun superviviente solitariu. Les películes posteriores presenten un mundu cada vez más claramente postapocalípticu, marcáu pola escasez de recursos, la violencia y la descomposición de les instituciones.
En Mad Max: Fury Road (2015), el personaxe pasó a ser interpretáu por Tom Hardy. Nesta película Max ye capturáu polos seguidores d'Immortan Joe y acaba aliándose con Imperator Furiosa y un grupu de muyeres que fuxen del control del dictador.
Max Rockatansky convirtióse nún de los personaxes más reconocibles del cine postapocalípticu. El British Film Institute destaca la franquicia Mad Max como una de les obres fundamentales de la carrera de Miller y señala al personaxe como un arquetipu de policía renegáu y héroe solitariu.
Referencies
Enllaces esternos
Categoría:Personaxes de Mad Max Categoría:Personaxes de cine Categoría:Policíes ficticios