Soyuz 11 foi una misión espacial tripulada soviética llanzada'l 6 de xunu de 1971 y la primera que consiguió ocupar una estación espacial, la Salyut 1. La tripulación taba formada por Gueorgui Dobrovolski, Vladislav Vólkov y Víktor Patsáyev.Remembering the Crew of Soyuz 11, NASA.
La nave acoplóse a Salyut 1 el 7 de xunu, depués del intentu fallíu de Soyuz 10. Los trés cosmonautes permanecieron na estación más de trés selmanes, realizando esperimentos médicos, biolóxicos, astronómicos y d'observación de la Tierra. La misión estableció entós un récord de permanencia humana nel espaciu.
El 29 de xunu, tres separase de Salyut 1 y entamar el regresu, una válvula abrióse de manera accidental durante la separación de módulos y provocó una rápida despresurización de la cáusula. Los trés tripulantes, que nun llevaben traxes presurizaos por falta d'espaciu, morrieron antes de la reentrada.Safety, History, Contingency, & Mishaps, NASA. La cáusula aterrizó automáticamente y los equipos de recuperación descubrieron la muerte de la tripulación. Tres l'accidente, la nave Soyuz foi rediseñada y volvióse obligatorio l'usu de traxes espaciales durante'l llanzamientu y el regresu.
Ver tamién Salyut 1 Soyuz 1 Gueorgui Dobrovolski Vladislav Vólkov Víktor Patsáyev
Referencies
Enllaces esternos
Categoría:Programa Soyuz Categoría:Accidentes ya incidentes espaciales Categoría:Vuelos espaciales tripulaos Categoría:Naves y artefautos espaciales llanzaos en 1971