Un vehículu llanzador o cohete portador ye un vehículu, xeneralmente propulsáu por motores cohete, diseñáu pa tresportar una carga útil dende la superficie de la Tierra hasta'l espaciu esterior. La carga puede ser un satélite artificial, una sonda espacial, una nave tripulada o suministros pa una estación espacial.Chapter 14: Launch, NASA.
Los vehículos llanzadores orbitales tienen que superar la gravedá terrestre y acelerar la carga útil hasta una velocidá suficiente pa entrar nuna órbita. La mayoría utilicen propulsión química y divídense en delles etapes que se van desprendiendo a midida que gasten el propelente. Esto permite amenorgar progresivamente la masa del conxuntu y aumentar la eficiencia del llanzamientu.
Según la so capacidá, pueden clasificase en llanzadores llixeros, medios, pesaos y superpesaos. Tamién pueden estremase ente vehículos desechables, nos que la mayor parte del cohete se pierde depués del vuelu, y reutilizables, nos que dalgunes etapes pueden recuperase y utilizase de nuevu. Exemplos de vehículos llanzadores son l'Ariane 6, el Soyuz 2, el Falcon 9 y el Vega C.Launch and Deployment, NASA.
Ver tamién Cohete Astronáutica Etapa de cohete Carga útil Puerto espacial
Referencies
Enllaces esternos
Categoría:Vehículos de llanzamientu Categoría:Astronáutica Categoría:Cohetes