GIOVE-A (Galileo In-Orbit Validation Element A) foi un satélite experimental de navegación de la Axencia Espacial Europea (ESA) desarrolláu como precursor del sistema europeo Galileo.
Foi construyíu pola empresa británica Surrey Satellite Technology y llanzáu'l 28 d'avientu de 2005 mediante un cohete Soyuz dende'l Cosmódromu de Baikonur. Foi'l primer satélite européu de navegación y el primer elementu de Galileo puestu n'órbita.
El so principal oxetivu foi garantizar l'usu de les frecuencies de radio reservaes internacionalmente pal sistema Galileo y probar n'órbita tecnoloxíes como los relós atómicos de rubidiu y distintos componentes de navegación. Tamién estudió l'ambiente de radiación de la órbita terrestre media.
Anque taba diseñáu pa una vida útil de 27 meses, siguió funcionando munchos años. La ESA dio por terminada la misión principal en 2012 y el satélite foi finalmente apagáu de manera definitiva'l 24 de payares de 2021, dempués de casi 16 años n'órbita.
Referencies
Enllaces esternos
Categoría:Galileo Categoría:Satélites de navegación Categoría:Misiones de l'Axencia Espacial Europea Categoría:Naves y artefautos espaciales llanzaos en 2005