Cassini-Huygens foi una misión espacial conxunta de la NASA, l'Axencia Espacial Europea (ESA) y l'Axencia Espacial Italiana (ASI) destinada al estudiu de Saturnu, los sos aniellos, satélites y magnetosfera.
La misión taba formada pol orbitador d'Estaos Xuníos Cassini y la sonda europea Huygens, destinada a descender sobre Titán, el mayor satélite de Saturnu. El conxuntu foi llanzáu'l 15 d'ochobre de 1997 mediante un cohete Titan IVB/Centaur dende Cabu Cañaveral.
Cassini-Huygens llegó al sistema de Saturnu en xunetu de 2004. Huygens separóse del orbitador el 25 d'avientu de 2004 y entró na atmósfera de Titán el 14 de xineru de 2005, convirtiéndose na primer sonda que pousó nun cuerpu del Sistema Solar esterior.
Huygens estudió la composición y estructura de l'atmósfera de Titán y tresmitió imáxenes de la so superficie. Pela so parte, Cassini estudió Saturnu y el so sistema durante más de trece años, realizando descubrimientos destacaos sobre los aniellos, Titán y Encéladu, onde detectó chorros de material procedentes d'un océanu subsuperficial.
La misión terminó'l 15 de setiembre de 2017, cuando Cassini foi dirixida deliberadamente hacia l'atmósfera de Saturnu pa evitar una posible contaminación biolóxica de los satélites potencialmente habitables.
Referencies
Enllaces esternos
Categoría:Misiones de l'Axencia Espacial Europea Categoría:Misiones de la NASA Categoría:Sondes espaciales de Saturnu Categoría:Naves y artefautos espaciales llanzaos en 1997