Celestino Graíño Caubet (Uviéu, 25 de xulio de 18- Avilés, 15 de febreru de 1943) Farmacèuticu y naturalista astur.
Biografìa Doctor en Farmacia y naturalista que, dempués d'estudiar nel Institutu d'Uviéu, pasó a Madrid y n'aquella Universidá recibía el títulu de Llicenciáu en Farmacia el 7 de payares de 1895, y el de Doctor el 5 de mayu de 1898. Al poco de terminar la carrera establecióse n'Avilés, nuna farmacia de la so propiedad. Dedicóse d'estudiar la Historia Natural, y creó un muséu priváu de la Fauna y la Flora nacionales, nella llegó a axuntar 500 especies ente mamíferos y aves -disecaos por él-, casi un millar d'invertebraos y otru millar de plantes. Esti muséu visitáu por personalidaes como Carracido, Cajal y Lázaro Ibiza. Na Exposición de Xixón de 1899 presentó un conxuntu d'aves disecaos y diéron-y ún de los primeros premios, recibió otru premiu na Exposición Nacional de Murcia de 1900. Fundó n'Avilés en 1897 un selmanariu tituláu «El Avilesiño», que tuvo corta vida. Tamién montó y dirixó una fábrica de llexies cáustiques, que dempués amplió cola fabricación de xabones, pero nun tuvo demasiau éxitu, al contrariu de lo qu'asocedió col so llaboratoriu d'especialidaes farmacéutiques, fundáu en 1910. Foi inspector farmacéuticu d'Aduanes en 1903, perteneció a la Xunta Provincial de Sanidá, y foi farmacéuticu municipal dende 1905, delegáu provincial en delles Asamblees Farmacéutiques, vocal de la Xunta de Farmacéuticos Titulares d'Asturies y presidente del Colexu de Farmacéuticos d'Asturies en 1914. Tamién foi profesor de Física y Química na Escuela d'Artes y Oficios, fundador y primer secretariu de l'Asociación Avilesiña de Caridá, vocal del Conseyu Cimeru de Proteición de la Infancia, y vocal de la Xunta d'Instrucción Pública. Todo'l so trabayu foi compensáu cola Encomienda de la Orde Civil d'Alfonso XII, la Medaya de la Repatriación y la Cruz de la Beneficencia de primera clase.
Obres «‘Atropa belladona’. Estudiu farmacéuticu-prácticu». Tesis doctoral de Farmacia. Avilés: Imp. de la Unión. 1898. «Noticies referentes a dalgunos monstruos recoyíos». 1903. «Preocupaciones populares respecto de dalgunos animales I. ‘Arrendajos blancos'». 1903. «antropoloxía criminal». Conferencia dada na ‘Estensión Universitaria d'Avilés’ el 15 d'avientu de 1906. Avilés: Imp. La Unión. 1906. «Llugar del hombre de la naturaleza». Conferencia dada n'Avilés el 24 de marzu de 1906 na Escuela d'Artes y Oficios de dicha población. Avilés: Imp. La Unión. 1906. «Asociación Avilesa de Caridad». Memoria lleída pol Secretariu Xeneral. Uviéu: Esc. Tip. Hospiciu Provincial. 1909. «Necesidá d'establecer na Facultá de Farmacia la cátedra de ‘Ética Farmacéutica’. Materies que comprende un estudiu y bases del mesmu». Memoria premiada na Asamblea de Valencia de 1909, en: La Farm. Esp., XLI. 1909 p. 772, XLII. 1910. pp. 5, 42 y 115.
Bibliografía Roldán-Guerrero R. Diccionariu biográficu y bibliográficu d'autores farmacéuticos españoles. Madrid: Imp. del P.H.O.E., 1975. Vol. 2. pp. 534-541. Gran Enciclopedia Asturiana (1970).-ed. Silverio Cañada, Gijòn
Referencies Consejo General de Farmacèuticos
Categoría:Farmacéuticos y farmacéutiques d'España Categoría:Científicos y científiques d'Asturies