Les islles Wollaston son un pequeñu grupu d'islles del gran archipiélagu de Tierra del Fueu, alcontráu nel estremu sur de Chile. Administrativamente, pertenecen a la comuña de Cabu de Fornos, na Provincia Antártica Chilena, de la mesma parte integrante de la XII Rexón de Magallanes y de l'Antártica Chilena. Tán darréu al norte del cabu de Fornos, nel pasu de Drake, y al suroeste de les islles Picton. Tán dientro del parque nacional Cabu de Fornos.
El grupu d'isles inclúi :
islla Wollaston, la islla principal y qu'ocupa la posición central nel grupu y que-y da nome. Ye la mayor, de contorna bien irregular y la más elevada: na parte norte, álzase unu cume d'unos 580 m; el llau suroeste de la islla ye percorríu por una cadena de cuetos d'ente 420 m y 670 m y na que se topa el monte Hyde de 670 m. islla Freycinet, al sureste. islla Bayly, al nordeste. Equí establecióse, so soberanía chilena, la misión anglicana d'aboríxenes yámanas llamada «Bayly», dende 1888 hasta 1892. islla Grevy, l'asitiada más al nordeste. dellos castros, como Doedalus, del Cabu, Surgidero, Llondra, Lleones Marinos, Mediu, etc.
Estes islles tán asitiaes xusto al norte de les islles Hermite, dixebraes pola canal Franklin, siendo dacuando difícil estremales por cuenta de la so proximidá. Tán dixebraes de la islla Navarino, al oeste, peles agües de la badea Nassau.
Historia Paez qu'estes islles fueron nomaes pol navegante británicu Henry Foster (1796-1831) ente 1829 y 1831 n'honor al científicu británicu William Hyde Wollaston (1766-1828). El nome aborixe de les islles yera Yachkusín, que significa, «el llugar de les islles».MapcartaLadera Sur, Islla Wollaston: un paraíso al fin del mundo, Expedición Becasina a islla Wollaston,
Nel añu 1888 el reverendu anglicanu Edwin C. Aspinall fixo el pidimientu al gobiernu chilenu de tierres nel archipiélagu de Tierra del Fueu, polo cual foi-y otorgáu por 10 años el derechu d'usu de la islla Bayly, una de los cuatro d'esti archipiélagu de les Wollaston pero nel añu 1892 la misión anglicana de yámanas llamada «Bayly» tuvo que ser treslladada a la badea Tekenika (o Allen Gardiner) de la islla Hoste, debíu al clima inhóspitu del llugar.
La islla Freycinet foi reclamada per Arxentina como parte del conflictu del Beagle hasta el resolvimientu de la disputa en 1984 cola firma del Tratáu de Paz y Amistá.
Referencies
Enllaces esternos
(n'inglés) Mapa de los archipiélagos L'Hermite y Wollaston
Categoría:Islles de Chile