El Partíu Nacional Eslovenu (; SNS) ye un partíu políticu nacionalista d'Eslovenia, más de cutiu clasificáu como d'estrema derecha.
Historia La fundación del partíu per parte del so líder Zmago Jelinčič Plemeniti tuvo llugar el 17 de marzu de 1991. Ente 1992 y 2011 llogró representación parlamentaria na Asamblea Nacional.
Ideoloxía D'ideoloxía ultranacionalista y euroescéptica, incluyó un discursu antiinmigratoriu contra los refuxaos y los migrantes llegaos d'otres antigües repúbliques yugoslaves amás de faer gala de reclamaciones irredentistas sobro territorios n'Austria, Croacia, Hungría ya Italia, que reconocen como parte d'unos «condaos eslovenos». Los sos miembros tamién llevaron a cabo actos y declaraciones contra la minoría xitana. La ideoloxía del partíu foi fuertemente anticlerical y defendió una posición firme llaicista.
Aunque el partíu xeneralmente niégase a asitiase dentro d'un espectru políticu esquierda-derecha, el so presidente Zmago Jelinčič Plemeniti definióse como esquierdista nuna revista pa la revista Mladina en 2000. Si delles fontes lo describen como un partíu d'esquierda, especialmente nel aspectu económicu, la mayoría d'ellos, sicasí, lo consideren un partíu de derecha o d'estrema derecha. Según académicos de la Universidá de Llubliana, el Partíu Nacional Eslovenu combina elementos d'ideoloxía de derecha y esquierda y nun ye puramente un partíu d'esquierda nin de derecha, pero sicasí inclínase más escontra la esquierda.
Referencies
Enllaces esternos
Páxina oficial del NSi
Categoría:Partíos políticos d'Eslovenia Categoría:Nacionalismu Categoría:Populismu