Artemis II ye una misión espacial de sobrevuelu llunar baxo'l programa Artemis, liderada pola NASA. Ye'l segundu vuelu del vehículu SLS (sistema de llanzamientu espacial) y la primer misión tripulada de la nave espacial Orión.
El llanzamientu foi realizáu de manera esitosu'l 1 d'abril de 2026 a les 22:35:00 UTC (tiempu universal coordináu) nel Centru Espacial John F. Kennedy, específicamente nel Complexu de llanzamientu 39B.
Ye la primer misión tripulada alredor de la Luna, y más allá de la órbita terrestre baxa, dende l'Apollo 17, en 1972.
La misión de 10 díes lleva a los astronautes de la NASA: Reid Wiseman (50), Victor Glover (49) y Christina Koch (47), xunto con Jeremy Hansen (50) de l'Axencia Espacial Canadiana, nuna trayeutoria de regresu llibre alredor de la Luna y de vuelta a la Tierra. Glover va convertise na primer persona de raza negra, Koch na primer muyer y Hansen nel primer non americanu en salir de la órbita terrestre y viaxar alredor de la Lluna. El vuelu ta previstu que lleve a la tripulación más lloñe de la Tierra que cualquier misión tripulada anterior, primero de reentrar na atmósfera terrestre a una velocidá récord d'aproximadamente 40 000 km/h. Ye una de les múltiples misiones previstes pal programa Artemis.
Artemis II denominóse orixinalmente Misión d'Esploración-2 (EM-2) y el so propósitu inicial yera sofitar la misión de redireición d'asteroides, agora cancelada. Los sos oxetivos revisáronse tres l'establecimientu del programa Artemis.
Referencies
Enllaces esternos Sitiu web d'Artemis
Categoría:Misiones espaciales