María Guerra ye una periodista y crítica de cine y de series de televisión española. Dende xineru de 2022, dirixe y presenta el pódcast de cine y series El Script, un programa d'entrevistes en fondura a personaxes relevantes de la industria audiovisual.
Ye presidenta de l'Asociación d'Informadores Cinematográficos d'España (AICE), entidá qu'entama los Premios Feroz.
Trayectoria Ye Llicenciada en Filoloxía Inglesa pola Universidá Complutense de Madrid, tien un Máster en Lliteratura Comparada de la Universidá de Exeter y el Máster de Periodismu d'El País y l'Universidá Autónoma de Madrid.
De 1993 a 2019 trabayó na emisora Cadena SER, primero nel programa El Cine de LoQueYoTeDiga y depués creó El Script en 2011, que darréu pasó a ser programa de televisión y emitióse en Movistar+ (de 2019 a 2021) para más tarde convertise en ‘Vermú’. Dende setiembre de 2021, realiza una sección de cine selmanal nel programa de radio ‘Cuerpos Especiales’ d'Europa FM, que presentaben Eva Soriano y Iggy Rubín y dempués Eva Soriano y Nachu García. De 2022 a 2024 collaboró na plataforma de pódcast Sonora.
Dende 1993 cubrió festivales internacionales y condució la retresmisión de numberoses gales de los Premios Óscar y dalgunos de los Premios BAFTA. Tamién participó como xuráu nos certames de cine d'Huesca (HIFF), Eivissa (Ibicine), Medina del Campu (SECIME) y nel Festival de Cine La Orquídea Cuenca (Ecuador).
Guerra ye l'actual presidenta de l'Asociación d'Informadores Cinematográficos d'España (AICE), entidá qu'entama los Premios Feroz. Y ye miembru de VISU , l'Asociación de muyeres cineastes y de medios audiovisuales.
Reconocencies El so pódcast El Script ganó el Mediu Emerxente nos IV Premios a la Investigación del Cine Español de la Cátedra FlixOlé-URJC (Universidad #Rey Juan Carlos de Madrid).
En xunu de 2025, foi reconocida col Premiu de Comunicación Alfonso Sánchez 2025 de l'Academia de Cine, col que se destaca el llabor de los medios y los sos profesionales para sopelexar y promocionar el nuesu cine.
En febreru de 2024, la revista Forbes Women incluyó a Guerra na llista de les 50 muyeres más influyentes del cine y l'audiovisual n'España.
Na 51 edición del Festival Internacional de Cine de Cartaxena (2022), foi-y otorgáu el Premiu FICC al Espardimientu Cinematográficu.
En 2016 el so programa El Script en Cadena SER, recibió un galardón na XXXIV Selmana del Cine Español de Carabanchel (Madrid) pol so llabor d'espardimientu del cine español; y en 2017 l'Asociación de Muyeres Periodistes de Cataluña (ADPC) concedió-y el Premiu Bones Práctiques de Comunicación non sexista, por ser un espaciu que visibilizaba les desigualdaes de les muyeres na industria del cine.
Referencias
Categoría:Periodistes d'España