El castiellu de Grad ye el castiellu más grande de Transmurania ya inclusive el más grande d'Eslovenia. El castiellu ta asitáu nel conceyu de Grad, en partir norte de Transmurania, na llene montesa (Goričko) de la rexón. El castiello atópase a lo cimero d'una empinada llomba formada por toba basáltica. Les nales del edificiu pentagonal irregular zarren un gran espaciu interior. El sistema de bodegues del castiellu estendíase en dellos llugares en trés niveles.

El complexu d'edificios, que data de fai unos ocho sieglos, presenta estilos románicu, góticu tardíu, renacimientu y barrocu.

Historia Nel sieglu XI yá existía dalgún tipu de fortificación nel llugar del actual castiellu. El primer castiellu foi construyíu polos templarios nel sieglu XIII, quienes tamién forxaron espaes equí. Nel llugar de l'antigua ferrería, al pie de la muralla del castiellu, inda se percibe un fluxu d'enerxía térmica.

En 1269, el rei Otakar II de Bohemia prindó'l castiellu y gobernó mientres seis años. Nel 1365 el castiellu pasó a ser propiedá de la familia noble húngara de Szécsi. Pela redolada del edificiu fundóse una ciudá de mercáu que convirtióse nun importante centru rexonal.

El castiellu foi ampliáu de cutio hasta algamar el so tamañu actual nel sieglu XVI.

La familia Szécsi estinguióse en 1684, dempués de lo cual el castiellu pasó a ser propiedá de delles families nobles húngares o príncipes alemanes. Dempués de la Primera Guerra Mundial, Transmurania pasó a formar parte de Yugoslavia. Nesi momentu, el castiellu pasó a ser propiedá de la familia Hartner de Murska Sobota. Ferdinand Hartner collaboró colos ocupantes alemanes y húngaros mientres la Segunda Guerra Mundial, polo que dempués de la guerra foi condergáu a muerte y tolos sos bienes, incluyíu el castiellu, fueron confiscados. Hartner fuxó a Arxentina y el castiellu de Grad foi ocupáu pol Exércitu coloráu soviéticu, que lo utilizó como base. El castiellu foi dafechu escaláu y darréu reconvertíu n'edificios residenciales y d'oficines.

Dempués de 1991, na Eslovenia independiente, empezaron los trabayos de renovación del esgonciáu castiellu de Grad. Los trabayos avancen amodo a pesar del sofitu de la Xunión Europea.

Referencies

Bibliografía

Enllaces esternos

Categoría:Castiellos d'Eslovenia Categoría:Transmurania