La Piedra del Príncipe (, ) ye la base invertida d'una antigua columna xónica que desempeñó un importante papel na ceremonia qu'arrodia a la instalación de los príncipes de Carantania durante la Temprana Edá Media. Dempués d'incorporarse al Reinu de los francos, el procedimientu, en llingua eslovena, caltúvose como la primer parte de la coronación de los duques de Carintia, siguíu d'una misa na catedral de María Saal y la instalación na Siella del Duque, onde facía un xuramentu n'alemán y recibía l'homenaxe de los estamentos.
Hestoria La columna probablemente yera orixinaria de la cercana ciudá romana de Virunum, capital de la provincia de Noricum baxo'l reináu del emperador Claudiu (41-54). Mientres la Edá Media, esta figuraba na parte cimera del escudu del Ducáu de Carintia, y cuando en 1862 foi treslladada al Landhaus de l'asamblea provincial de Klagenfurt, situóse al noroeste del Kaiserpfalz de Karnburg (), na enllanada de Zollfeld (), construyíu pol emperador Arnulfu de Carintia.
La primer mención de la sedes Karinthani ducatus nel cursu de la instalación d'Herman II de Sponheim en 1161 probablemente refierse a la Piedra del Príncipe. La ceremonia foi descrita esplícitamente escontra 1341 pol cronista Xuan de Viktring nel so Liber certarum historiarum por cuenta de la coronación de Meinhard de Goritz en 1286: cuando'l pretendiente a duque llegó énte la Piedra, encontróse a un llabrador sentáu nella, que nun se llevantó hasta que Meinhard aseguró-y que sería dignu del cargu y un gobernante xustu.
La partición de Carintia dempués de la Primer Guerra Mundial convirtió la Piedra del Príncipe en parte del patrimoniu común y, polo tanto, aldericáu de Carantania. En 2005, el gobiernu eslovenu, dirixíu nesi entós pol primer ministru Janez Janša, decidió representar la Piedra del Príncipe na cara nacional de la moneda eslovena de 2 céntimos, lo que causó cierta disgustu n'Austria. En 2006, el gobernador de Carintia, Jörg Haider, mandó treslladar la piedra, que dende 1905 s'esponía nel Muséu Estatal de Carintia, de vuelta al Salón Heráldicu del Landhaus de Klagenfurt.
Referencies
Bibliografía
Enllaces esternos
Categoría:Historia d'Austria Categoría:Historia d'Eslovenia