Fátima bint Muhámmad al-Fihri (فاطمة بنت محمد الفهري) foi una muyer musulmana que fundó una madrasa considerada la primer institución d'educación cimera del mundu, entá operativa y conocida como Universidá de Qarawiyyin en Fez, Marruecos. Naciera en Cairuán, nel emiratu aglabí, Califatu abasí, na actual Túnez, y finó en Fez.
Biografía Yera la fía d'un comerciante árabe llamáu Muhámmad al-Fihri, importante home de negocios de la dómina que se treslladó cola so familia dende Túnez a Marruecos na dómina del reináu marroquín de Idrís II. La so biografía foi escrita per primer vegada por Ibn Abi Zar en Rawd al-Qirtas.
La construcción de la mezquita d'al-Qarawiyyin (Al-Karaouine) Heredó una faneguera fortuna tres la muerte del so padre, polo que, xunto cola so hermana Mariam, decidieron invertir el so dineru nun proyectu que contribuyera a impulsar un mayor desenvolvimientu na so comunidá. Edificaron una mezquita onde s'empezó a reforzar la educación de moces y, alredor del s. X d.C., la madrasa yá se convirtiera nun importante motor intelectual del país.
Nel 859, fundó, entá güei operativa, la mezquita de Qarawiyyin en Fez, Marruecos. Nos sieglos siguientes, desenvolvióse una madrasa. Dichu centru educativu ta consideráu como un importante nucleu intelectual del Mediterráneu.
La hermana de Fátima, tamién foi conocida por collaborar económicamente na construcción de la mezquita Al-Ándalus de Fez.
Per primer vegada, la so hestoria foi descrita munchos sieglos dempués por Ibn Abi Zarʿ, a quien munchos historiadores consideren una fonte pocu confiable. Amás, la simetría de la hestoria de dos hermanes que fundaron les dos mezquites más importantes de Fez coles mesmes interpretóse como demasiáu conveniente y considerase metafórica o llexendaria. Estos fechos, sumaos a la falta d'información concreta, faen que la so esistencia fuera cuestionada por dellos historiadores modernos.
Referencies
Bibliografía FSTC Limited, miércoles 20 d'ochobre de 2004. Muslims Weekly, "Commentary", Jawed Anwar, 4 d'abril de 2005.
Enllaces esternos
Categoría:Marruecos Categoría:Persones de Tunicia